ନୟାଗଡ଼ : ବାଣ ଭିଡୁଥିବା ବେଳେ ବିସ୍ଫୋରଣରେ ଜଣଙ୍କର ମୃତ୍ୟୁ
ନୟାଗଡ଼ (କେ ନ୍ୟୁଜ୍) : ନୟାଗଡ଼ ଗୋଡ଼ିପଡ଼ା ଖଡୁଆ ସାହିରେ ଅଘଟଣ । ବାଣ ଭିଡୁଥିବା ବେଳେ ବିସ୍ଫୋରଣ ଘଟି ଜଣଙ୍କର ଜୀବନ ଯାଇଛି । ମୃତକ ହେଉଛନ୍ତି ଅଖିଳ ସେଠୀ । ଏଥିରେ ଜଣେ ଗୁରୁତର ଆହତ ହୋଇଛନ୍ତି । ଓଡ଼ଗାଁ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି । ତେବେ ଆଗକୁ ଗଣେଶ ପୂଜା ଥିବାରୁ ଏକ ଘରେ ବେଆଇନ ଭାବେ ବାଣ ଭିଡା ଯାଉଥିବା ବେଳେ ଏଭଳି ଅଘଟଣ ଘଟିଛି । ଶରଣକୁଳ ଥାନା ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
