ହୋମ୍ କ୍ୱାରେଣ୍ଟାଇନ୍ ଉଲ୍ଲଂଘନ, ଭୁବନେଶ୍ୱରରେ ୨ ଜଣ ଓ କଟକରେ ଜଣଙ୍କ ନାଁରେ ମାମଲା ରୁଜୁକଲା ପୋଲିସ
କେନ୍ୟୁଜ୍(ବ୍ୟୁରୋ):ହୋମ୍ କ୍ୱାରେଣ୍ଟାଇନ୍ ଉଲ୍ଲଂଘନ ଅଭିଯୋଗରେ ୩ ଜଣଙ୍କ ବିରୋଧରେ ମାମଲା । ଭୁବନେଶ୍ୱରରେ ୨ ଜଣ ଓ କଟକରେ ଜଣଙ୍କ ନାଁରେ ଥାନାରେ ମାମଲା ରୁଜୁ କରାଯାଇଛି । କଟକରେ ଜଣେ ଆମେରିକା ଫେରନ୍ତା ହୋମ୍ କ୍ୱାରେଣ୍ଟାଇନ ଗାଇଡଲାଇନ୍ ଉଲ୍ଲଂଘନ କରିଥିବା ଅଭିଯୋଗ ହୋଇଛି । ବାହାରେ ବୁଲିବା ଅଭିଯୋଗରେ ତାଙ୍କ ବିରୋଧରେ ମାମଲା ରୁଜୁ କରିଛି ପୁରୀଘାଟ ଥାନା ପୋଲିସ । ସେହିପରି ଭୁବନେଶ୍ୱର ଶୈଳଶ୍ରୀ ବିହାରରେ ଦୁଇ ଜଣ ହୋମ କ୍ୱାରେଣ୍ଟାଇନ ଗାଇଡଲାଇନ ଉଲ୍ଲଂଘନ କରି ବାହାରେ ବୁଲିବା ଅଭିଯୋଗ ହୋଇଛି । ବିଏମସି ପକ୍ଷରୁ ସେମାନଙ୍କ ନାଁରେ ଚନ୍ଦ୍ରଶେଖରପୁର ଥାନାରେ ଏତଲା ଦିଆଯାଇଛି । ସେମାନଙ୍କୁ ଆମ୍ବୁଲାନ୍ସରେ ଉଠାଇ ନିଆଯାଇ ସରକାରୀ କ୍ୱାରେଣ୍ଟାଇନରେ ରଖାଯାଇଛି ।
We have registered a criminal case under Puri Ghat PS in Cuttack against an individual for violating home quarantine norms.
Those asked to stay in home quarantine must strictly remain in isolation or be prepared for serious consequences. @DCP_CUTTACK @dcpbbsr— Dr Sudhanshu Sarangi (@SarangiSudhansu) March 22, 2020
