ବଢୁଛି ପୁରୁଣା ନୂଆ ବିଜେପି ବିବାଦ । ବିଶେଷ କରି ଯାଜପୁର ଜିଲ୍ଲାରେ ବିବାଦ ତେଜିବାରେ ଲାଗିଛି । ନିକଟରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବରୀରେ ଜବାବ ମାଗୁଛି ଓଡିଶା କାର୍ଯ୍ୟକ୍ରମରେ ଯୋଗ ଦେଇ ବରୀ ବିଧାନସଭା ଆସନ ପାଇଁ ବିଶ୍ୱ ରଂଜନ ମଲ୍ଲିକ ଙ୍କର ନାମ ଘୋଷଣା କରିଥିଲେ । ବିଜେପିର ନୂଆ ପୁରୁଣା ବିବାଦ ଉଗ୍ର ହେବାକୁ ଦାନା ଦେଇଛି ଧର୍ମେନ୍ଦ୍ରଙ୍କ ଏହି ଖୋଲାଖୋଲି ପ୍ରାର୍ଥୀ ଘୋଷଣା ମନ୍ତବ୍ୟ । କେନ୍ଦ୍ର ମନ୍ତ୍ରୀ କହିଥିଲେ ବିଶ୍ୱ ହେଉଛନ୍ତି ନରେନ୍ଦ୍ର ମୋଦିଙ୍କ ପ୍ରାର୍ଥୀ ତାଙ୍କୁ ଭାଇମାନେ ଏମଏଲଏ କରିବେ ନାଁ ନାହିଁ ବୋଲି ଦମ୍ଭୋକ୍ତି ବାଢିଥିଲେ । ତେବେ ମନ୍ତ୍ରୀଙ୍କ ଏଭଳି ପ୍ରାର୍ଥୀତ୍ୱ ଘୋଷଣା ପକ୍ରିୟାକୁ ତୀବ୍ର ବିରୋଦ କରିଛନ୍ତି ବରୀ ନିର୍ବାଚନ ମଣ୍ଡଳୀର ଶତାଧିକ ପୁରୁଣା କାଯ୍ୟକର୍ତ୍ତା ।
ତେବେ ଆସନ୍ତୁ ନଜର ପକାଇବା ବିଜେପି ର ସମ୍ବିଧାନ ଉପରେ । ବିଜେପି ଦଳରେ କିଭଳି ଚୟନ କରାଯାଏ ଲୋକସଭା ଏବଂ ବିଧାନସଭା ପ୍ରାର୍ଥୀ । କଣ ରହିଛି ନିୟମ ? ବିଜେପି ର ସମ୍ବିଧାନ କହୁଛି ପ୍ରଥମେ ରାଜ୍ୟ ନିର୍ବାଚନ କମିଟି ପ୍ରାର୍ଥୀଙ୍କ ନାମ କେନ୍ଦ୍ର ନିର୍ବାଚନ କମିଟି ନିକଟକୁ ପଠାଇଥାଏ । ଏହାପରେ କେନ୍ଦ୍ର ନିର୍ବାଚନ କମିଟି ଉଭୟ ଲୋକସଭା ଏବଂ ବିଧାନସଭା ପ୍ରାର୍ଥୀଙ୍କ ନାମ ବିଧିବଦ୍ଦ ଭାବେ ଘୋଷଣା କରିଥାଏ । ଏବେ ପ୍ରଶ୍ନ ଉଠୁଛି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିଶ୍ୱ ମଲ୍ଲିକ ଙ୍କ ନାମ କୁ କିଭଳି ଖୋଲାଖୋଲି ଭାବେ ଘୋଷଣା କଲେ? ।ରାଜ୍ୟ ନିର୍ବାଚନ କମିଟି ର ବୈଠକ ଏପଯ୍ୟର୍ନ୍ତ ବସି ନାହିଁ କି ପ୍ରାର୍ଥୀଙ୍କ ନାମ କେନ୍ଦ୍ର ନିର୍ବାଚନ କମିଟି କୁ ପଠାଯାଇ ନାହିଁ ।ଏଭଳି ଘୋଷଣା ପଛରେ କଣ ରହିଛି କାରଣ ତାକୁ ନେଇ ଭିନ୍ନ ଚର୍ଚ୍ଚା ହେଉଛି ।
ନିକଟରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଦାନଙ୍କୁ ବିରୋଧ କରି ଯାଜପୁର ଜିଲ୍ଲାର ମଣ୍ଡଳ ସଭାପତି ମାନେ ରାଜ୍ୟ ବିଜେପି କାଯ୍ୟାର୍ଳୟ ସମ୍ମୁଖରେ ଧାରଶ ଦେଇଥିଲେ ।ଏହାପରେ ନବୀନ ନିବାସ ଯାଇ ବିଜେଡି ଯୋଗ ଦେଇଥିଲେ