ଭୁବନେଶ୍ବର: ଚେକିଂ ସମୟରେ ପୋଲିସ କର୍ମଚାରୀଙ୍କ ଉପରେ ମାଡିଗଲା ଅଟୋ, ଗୁରୁତର ହୋଇ ଏମ୍ସରେ ହେଲେ ଭର୍ତ୍ତି
କେନ୍ୟୁଜ୍(ବ୍ୟୁରୋ): ପୋଲିସର ଚେକିଂ ପୋଲିସ ପାଇଁ କାଳ ହୋଇଛି।ଚେକିଂ ବେଳେ ପୋଲିସ ଉପରେ ମାଡିଗଲା ଅଟୋ। ଗୁରୁତର ଆହତ ହୋଇ ଏମ୍ସରେ ହେଲେ ଭର୍ତ୍ତି । ରାଜଧାନୀର କଳ୍ପନା ଛକରେ ଚେକିଂ ସମୟରେ ମଦ୍ୟପ ଅଟୋ ଚାଳକ ଜଣେ ପୋଲିସ କର୍ମଚାରୀଙ୍କୁ ଚଢାଇ ଦେଇଥିଲା। ଗୁରୁତର ଆହତ ପୋଲିସ ଜଣକ ହେଉଛନ୍ତି ହାବିଲଦାର ମେଜର ସରୋଜ କୁମାର ପ୍ରଧାନ ।
ଗତକାଲି ସକାଳ ପ୍ରାୟ ୯ଟା ସମୟରେ ଘଟିଛି ଏହି ଘଟଣା । ଅଟୋକୁ ଜବତ କରିବା ସହ ଚାଳକକୁ ଲକ୍ଷ୍ମୀସାଗର ଥାନରେ ଅଟକ ରଖାଯାଇ ଥିବା ଜଣା ପଡିଛି । ଅଟୋ ଧକ୍କା ଦେବାରୁ ହାବିଲଦାରଙ୍କ ମୁଣ୍ଡରେ ଶକ୍ତ ଆଘାତ ଲାଗି ଛଟପଟ ହେଉଥିଲେ । ସେପଟେ ଅଟୋ ଚାଳକ ଜଣକ ଧକ୍କା ଦେଇ ଖସି ଯିବାକୁ ଉଦ୍ୟମ କରୁଥିଲା । ଶେଷରେ ଷ୍ଟେସନ ବଜାର ନିକଟରେ କାବୁ କରି ନେଇଥିଲା ପୋଲିସ । ଅଟୋ ଚାଳକ ଜଣଙ୍କ ଅତ୍ୟଧିକ ମଦ୍ୟପାନ କରି ଗାଡି ଚଳାଉଥିବା ଜଣାପଡିଛି ।
