କଟକ: ବାପ-ପୁଅଙ୍କ ମଧ୍ୟରେ ବିବାଦ ତେଜିବା ପରେ ଅଘଟଣ, ପୁଅକୁ ଗୁଳି କରି ହତ୍ୟା କଲା ବାପା
କଟକ(କେନ୍ୟୁଜ୍): ପୁଅକୁ ଗୁଳି କରି ହତ୍ୟା କଲା ବାପା । କଟକ ବାରଙ୍ଗ ଥାନା ବେଣ୍ଟୁଆ ଗାଁରେ ଘଟିଛି ଅଭାବନୀୟ ଘଟଣା । ଯଦୁମଣି ମୁଣ୍ଡା ପୁଅ ଶିବ ମୁଣ୍ଡାକୁ ଗୁଳି କରି ହତ୍ୟା କରିଛି ।
କୌଣସି କାରଣରୁ ବାପ-ପୁଅଙ୍କ ମଧ୍ୟରେ ବିବାଦ ହେବା ପରେ ଉତ୍କ୍ଷିପ୍ତ ହୋଇ ଯଦୁମଣି ମୁଣ୍ଡା ପୁଅକୁ ଦେଶୀ ବନ୍ଧୁକରୁ ଗୁଳିମାରି ଥିଲା। ଘଟଣାସ୍ଥଳରେ ପୁଅର ମୃତ୍ୟୁ ହୋଇଛି। ଯଦୁମଣି ଫେରାର ହୋଇଯାଇଥିବା ବେଳେ ବାରଙ୍ଗ ପୋଲିସ ତଦନ୍ତ ଆରମ୍ଭ କରିଛି।
