ଆତ୍ମହତ୍ୟା ଉଦ୍ୟମ କରୁଥିବା ଯୁବକଙ୍କୁ ଉଦ୍ଧାର କଲେ ଅଗ୍ନିଶମ ବିଭାଗ
ନାକେଦମ କଲେ ମାନସିକ ବିକାରଗ୍ରସ୍ତ ଯୁବକ । ୨ମହଲା କୋଠାରୁ ଡେଇଁ କରୁଥିଲେ ଆତ୍ମହତ୍ୟା ଉଦ୍ୟମ । ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟର କୋଠାରେ ଚଢି ଯୁବକ ଜଣକ ଆତ୍ମହତ୍ୟା ଉଦ୍ୟମ କରୁଥିଲେ । ପ୍ରାୟ ୩ଘଣ୍ଟାର ଉଦ୍ୟମ ପରେ ଅଗ୍ନିଶମ ବିଭାଗ ଯୁବକଙ୍କୁ ଉଦ୍ଧାର କରିଛି ।
ନବରଙ୍ଗପୁର(କେନ୍ୟୁଜ) : ନାକେଦମ କଲେ ମାନସିକ ବିକାରଗ୍ରସ୍ତ ଯୁବକ । ୨ମହଲା କୋଠାରୁ ଡେଇଁ କରୁଥିଲେ ଆତ୍ମହତ୍ୟା ଉଦ୍ୟମ । ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟର କୋଠାରେ ଚଢି ଯୁବକ ଜଣକ ଆତ୍ମହତ୍ୟା ଉଦ୍ୟମ କରୁଥିଲେ । ପ୍ରାୟ ୩ଘଣ୍ଟାର ଉଦ୍ୟମ ପରେ ଅଗ୍ନିଶମ ବିଭାଗ ଯୁବକଙ୍କୁ ଉଦ୍ଧାର କରିଛି । ଯୁବକ ଜଣକ ହେଲେ ଖୁଣ୍ଟିଆ ଗାଁର ଶ୍ୟାମ ହରିଜନ ।
ଉଦ୍ଧାର ପରେ ତାଙ୍କୁ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି । ତାଙ୍କ ବେକରେ କଟା ଚିହ୍ନ ଦେଖିବାକୁ ମିଳିଥିଲା । ପ୍ରଥମେ ବ୍ଲେଡରେ ନିଜ ଗଳା ଓ ଦେହକୁ କାଟି କ୍ଷତବିକ୍ଷତ କରିଥିଲେ ଯୁବକ । ପରେ କୋଠାରେ ଚଢି ଡେଇଁବାକୁ ଉଦ୍ୟମ କରିଥିଲେ । ମେଡିକାଲ କର୍ମଚାରୀ ବୁଝସୁଝା କରି ନାକେଦମ ହୋଇଯାଇଥିଲେ । ପରେ ଅଗ୍ନିଶମ ବିଭାଗ ପହଞ୍ଚି ଯୁବକଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି
