କେନ୍ଦ୍ରାପଡା(କେନ୍ୟୁଜ୍): କ୍ବାରେଣ୍ଟାଇନ ସେଣ୍ଟରରେ ଭୂତ ଆତଙ୍କ । କିଏ ଚେତାଶୂନ୍ୟ ହୋଇ ପଡ଼ୁଛି, ତ ଆଉ କିଏ ଅନ୍ୟକୁ ଆକ୍ରମଣ କରୁଛି । ଏଭଳି ଘଟଣା ଘଟିଛି କେନ୍ଦ୍ରାପଡ଼ା ତୁଳସୀ ମହିଳା ମହାବିଦ୍ୟାଳୟ କ୍ୱାରେଣ୍ଟାଇନ୍ ସେଣ୍ଟରର । କେରଳରୁ ଫେରି ଏହି କ୍ୱାରେଣ୍ଟାଇନ୍ ସେଣ୍ଟରରେ ରହିଥିଲେ ପାଖାପାଖି ୧୪୭ ଜଣ ଯୁବତୀ ।
କିନ୍ତୁ ତିନି ଦିନ ହେବ ସେଣ୍ଟରରେ ଅଦ୍ଭୁତ ଭୌତିକ କାଣ୍ଡ ଘଟିଚାଲିଥିବାର ଅଭିଯୋଗ କରିଛନ୍ତି ଅନ୍ତେବାସୀ। ଏହି ଭୂତ ଭୟ ଯୋଗୁ ୫ ଜଣ ଅସୁସ୍ଥ ମଧ୍ୟ ହୋଇପଡ଼ିଛନ୍ତି । ତିନି ପରିବାର ଲୋକେ ପ୍ରଶାସନକୁ ଘଟଣା ସଂପର୍କରେ ଜଣାଇବା ପରେ ସମସ୍ତ ଯୁବତୀଙ୍କୁ ରାଜନଗର ହାତିନ୍ କ୍ୱାରେଣ୍ଟାଇନ୍ ସେଣ୍ଟରକୁ ସ୍ଥାନାନ୍ତର କରାଯାଇଛି ।