ଗୋଲଡେନ ବାବାର ୨୮ ଲକ୍ଷ ଟଙ୍କାର ଅଡି ଗାଡ଼ିକୁ ଜବତ କଲା ଇଡି
ଠକେଇ ମାମଲାରେ ଜ୍ୟୋତି ରଂଜନ ବେହୁରା ଓରଫ ଗୋଲଡେନ ବାବା ଗିରଫ କରାଯାଇଥିଲା । ଏହାପରେ ମାମଲା ହାତକୁ ନେଇଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ । ୪ରୁ ୫ ଜଣକଠୁ ଠକେଇ କରିଥିଲା ଗୋଲଡେନ ବାବା ।
() ଗୋଲଡେନ ବାବାର ଅଡି ଗାଡ଼ିକୁ ଜବତ କଲା ଇଡି । ଭୁବନେଶ୍ୱର CRP ଛକରୁ ଗାଡ଼ି ଜବତ କରାଯାଇଛି । ଏହି ଅଡି ଗାଡିର ଦାମ ୨୮ ଲକ୍ଷ ଟଙ୍କା । ଗତ ୨୦୨୦ ମସିହାରେ ସାଢ଼େ ୫ କୋଟି ଟଙ୍କା ଠକେଇ ମାମଲାରେ ଜ୍ୟୋତି ରଂଜନ ବେହୁରା ଓରଫ ଗୋଲଡେନ ବାବା ଗିରଫ କରାଯାଇଥିଲା । ଏହାପରେ ମାମଲା ହାତକୁ ନେଇଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ । ୪ରୁ ୫ ଜଣକଠୁ ଠକେଇ କରିଥିଲା ଗୋଲଡେନ ବାବା । ଏବେ ସେ ଫେରାର ରହିଛି । ଆଜି ସନ୍ଧ୍ୟାରେ ED ଠାବ କରି ଗୋଡ଼ାଇ ଥିବା ବେଳେ CRP ଛକରେ ଗାଡ଼ି ଛାଡ଼ି ପଳାଇଛି ଗୋଲଡେନ ବାବା । ପୂର୍ବରୁ ତା’ର ୫୨ ଲକ୍ଷ ଟଙ୍କା ସିଜ କରିଥିଲା ED।