ନବରଙ୍ଗପୁର(କେନ୍ୟୁଜ୍): ପୋଖରୀରେ ବୁଡ଼ି ଜେଜେ ବାପା ଓ ନାତୀ ମୃତ। ଘଟଣାଘଟିଛି ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଲକ ସଦର ପଞ୍ଚାୟତର କାନାଗୁଡା ଗ୍ରାମରେ। କାନାଗୁଡା ଗ୍ରାମର ଜେଜେବାପା ଲବ ହରିଜନ (୬୪) ଓ ତାଙ୍କର ୯ ବର୍ଷୀୟା ନାତୀ ୟାସ ହରିଜନ ଚାଷ ଜମିକୁ ଯାଇଥିଲେ। ଅପରାହ୍ନରେ ଚାଷ କାର୍ଯ୍ୟ ସାରି ବଳଦକୁ ଗାଧୋଇବାକୁ ଜେଜେବାପା – ନାତୀ ନିକଟସ୍ଥ ଛଞ୍ଚାଣଗୁଡା ସ୍ଥିତ ପୋଖରୀକୁ ଯାଇଥିଲେ। ବହୁ ସମୟ ହେବ ସେମାନେ ନଫେରିବାରୁ ପୋଖରୀରେ ପରିବାର ବର୍ଗ ଓ ଗ୍ରାମବାସୀ ଖୋଜାଖୋଜି କରିଥିଲେ।ଲୋକେ ସେମାନଙ୍କ ପିନ୍ଧିଥିବା କପଡାକୁ ଦେଖି ଅଗ୍ନିଶମ ବାହିନୀଙ୍କୁ ଡାକିଥିଲେ।
କୋଷାଗୁମୁଡା ଅଗ୍ନିଶମ ବାହିନୀ ପହଂଚି ପୋଖରୀରେ ଖୋଜିଲା ପରେ ପ୍ରଥମେ ନାତୀ ୟାସ ଓ ପରେ ଜେଜେବାପା ଲବ ହରିଜନଙ୍କୁ ଉଦ୍ଧାର କରି କୋଷାଗୁମୁଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣି। ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଛନ୍ତି l ଘଟଣାକୁ ନେଇ ପରିବାର ଲୋକେ ଭାଙ୍ଗି ପଡିଛନ୍ତି ।