ଏତଲା ଦେବା ପରେ ଥାନାରେ ରୁଜୁ ହେଉ ନଥିଲା ମାମଲା, IICଙ୍କ ବିରୁଦ୍ଧରେ ଅପରାଧିକ ମାମଲା ରୁଜୁ ପାଇଁ ହାଇକୋର୍ଟଙ୍କ ନିର୍ଦ୍ଦେଶ
କଟକ(କେନ୍ୟୁଜ୍): ଏତଲା ଦେବା ପରେ ବି ଥାନାରେ ରୁଜୁ ହେଉ ନଥିଲା ମାମଲା । ହାଇକୋର୍ଟରେ ଆବେଦନ ହେବା ପରେ ରୁଜୁ ହେଲା ମାମଲା । ହାଇକୋର୍ଟ ମାମଲାର ଶୁଣାଣି କରି ଥାନା ଅଧିକାରୀମାନଙ୍କ ବିରୁଦ୍ଧରେ ଅପରାଧିକ ମାମଲା ରୁଜୁ କରିବାକୁ ନିର୍ଦେଶ ଦେଇଛନ୍ତି । ଏକ ଚେକ ବାଉନ୍ସ ମାମଲାରେ ଜନୈକା ମହିଳାଙ୍କୁ କଟକ ମଧୁପାଟଣା ଥାନା ପୋଲିସ ଶାରୀରିକ ଓ ମାନସିକ ନିର୍ଯାତନା ଦେଇଥିବା ଅଭିଯୋଗ କରିଥିଲେ ସଂପୃକ୍ତ ମହିଳା ।
ଏହାସହ ପୋଲିସର ମାତ୍ରାଧିକ କାର୍ଯ୍ୟାନୁଷ୍ଠାନ ଅଭିଯୋଗରେ ଲାଲବାଗ ଥାନାରେ ଏକ ଏତଲା ଦେଇଥିଲେ ଅଭିଯୋଗକାରିଣୀ । ପରବର୍ତ୍ତୀ ସମୟରେ ଥାନା ତାଙ୍କ ଏତଲା ଗ୍ରହଣ କରୁନଥିବା ଅଭିଯୋଗ ଆଣି ସେ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ ।
