କଟକ (କେ ନ୍ୟୁଜ): ଟାଟାରେ ନିଯୁକ୍ତି ଠକେଇ ମାମଲାରେ ବହିଷ୍କୃତ ଆଇଏଫଏସ ଅଫିସର ଅଭୟକାନ୍ତ ପାଠକଙ୍କୁ ହାଇକୋର୍ଟରୁ ମିଳିଲା ସର୍ତ୍ତମୂଳକ ଜାମିନ । ଗୋଳନ୍ଥରା ଥାନା ମାମଲାରେ ମିଳିଲା ଜାମିନ । ୨ ଲକ୍ଷ ଟଙ୍କା ଲେଖାଏଁ ସହ ଦୁଇ ଜଣ ଜାମିନଦାରଙ୍କ ଦ୍ୱାରା ସେ ଜାମିନରେ ଯାଇପାରିବେ ।
ପୂର୍ବରୁ କ୍ରାଇମବ୍ରାଞ୍ଚ ଓ ଭିଜିଲାନ୍ସ ମାମଲାରେ ଜାମିନ ପାଇଥିଲେ ଅଭୟକାନ୍ତ । ଏବେବି ଗୋଳନ୍ଥରାରେ ତାଙ୍କ ନାଁରେ ଆଉ ଏକ ମାମଲା ରହିଛି । ଯେଉଁ ମାମଲାରେ ତାଙ୍କୁ ଏବେବି ଜାମିନ ମିଳିନାହିଁ । ତେଣୁ ଅଭୟକାନ୍ତ ବର୍ତ୍ତମାନ ଜେଲରୁ ମୁକୁଳିପାରିବେନି ।