ଆନନ୍ଦପୁର : ଆନନ୍ଦପୁର ଉପଖଣ୍ଡ ରାମଚନ୍ଦ୍ରପୁର ଥାନା ଭଗାନଈ ଗ୍ରାମରୁ ବେଆଇନ ଗୋରୁ ଚାଲାଣ ହେଉଥିବା ସମୟରେ ରାମଚନ୍ଦ୍ର ପୁର ପୋଲିସ ଅଚାନକ ଚଢ଼ାଉ କରି ୧୫ଟି ଗୋରୁ ସହ ବ୍ୟବହୃତ ଗାଡି ଓ ଜଣେ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି।
ଗିରଫ ଯୁବକ ଜଣକ ହେଉଛନ୍ତି ଘଷିପୁରା ଥାନା ଅନ୍ତର୍ଗତ ବାଇଲୋ ଗ୍ରାମର ତରଣୀ ଜେନା । ଗତକାଲି ରାତିରେ ଏହି ଅଞ୍ଚଳରୁ ୧୫ଟି ଗୋରୁ ବୋଝେଇ କରି ଏକ ପିକଅପ ଭ୍ୟାନ ଯାଉଥିବା ସମୟରେ ପୋଲିସ ହାତରେ ଧରା ପଡିଥିଲା। ରାମଚନ୍ଦ୍ରପୁର ପୋଲିସ ଏନେଇ ଏକ ମାମଲା ରୁଜୁ କରିବା ସହ ତଦନ୍ତ ଜାରି ରଖିଛି।