ଗଜପତି(କେନ୍ୟୁଜ୍): ଗଜପତି ଜିଲ୍ଲା ଆର.ଉଦୟଗିରି ବ୍ଲକ ମହେନ୍ଦ୍ରଗଡ ନିକଟସ୍ଥ କୂଆଁପଡା ପୋଲରେ ଲଗାଯାଇଛି ଧମକ ପୂର୍ଣ୍ଣ ଚିଠି। ଏହି ଚିଠିରେ ଲେଖାଯାଇଛି ଯେ ‘ବ୍ରିଜ୍ ଦେଇ କେହି ଯାଆନ୍ତୁ ନାହିଁ, କାହିଁକିନା ଏହି ବ୍ରିଜଟିକୁ ବ୍ଲାଷ୍ଟିଂ କରାଯିବ’। ଏଭଳି ଧମକପୂର୍ଣ୍ଣ ଚିଠି କିଏ ଓ କାହିଁକି ଲାଗାଇଛି ଜଣା ପଡିନଥିବା ବେଳେ ଏହି ଘଟଣା ଏବେ ସମଗ୍ର ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ଏହି ଘଟଣାକୁ ନେଇ ସ୍ଥାନୀୟ ଲୋକେ ନଦୀପଠାକୁ ଯିବା ପାଇଁ ସୂରକ୍ଷିତ ମଣୁନାହାନ୍ତି ।
କିଛି ଚିଠିରେ ଯୋଗାଯୋଗ ପାଇଁ ଏକ ମୋବାଇଲ ନମ୍ବର ଲେଖାଯାଇଛି ଯାହାକି ବିଦ୍ୟୁତ ବିଭାଗର କନିଷ୍ଠ ଯନ୍ତ୍ରୀ ରତିରଞ୍ଜନ ପାତ୍ରଙ୍କର ବୋଲି ଜଣାପଡିଛି। ଏନେଇ ଅଞ୍ଚଳବାସୀ ପୋଲିସକୁ ଜଣାଇଥିଲେ ମଧ୍ୟ ବର୍ତ୍ତମାନ ପର୍ଯ୍ୟନ୍ତ କୌଣସି ଅଧିକାରୀ ପହଞ୍ଚି ନଥିବା ସୂଚନା ମିଳିଛି । ତେବେ କିଏ ଓ କାହିଁକି ଏଭଳି ଧମକପୂର୍ଣ୍ଣ ଚିଠି ଲଗାଇଲା ତାର ତଦନ୍ତ ପାଇଁ ସ୍ଥାନୀୟ ଲୋକେ ଦାବି କରଛନ୍ତି।