ଯାଜପୁର(କେନ୍ୟୁଜ୍): ଯାଜପୁରୁର ଯୁବତୀ ଅପହରଣ ଓ ନିର୍ଯ୍ୟାତନା ଘଟଣାରେ ଅପହୃତା ଯୁବତୀକୁ ଉଦ୍ଧାର କଲା ଯାଜପୁର ପୋଲିସ। ଅପହରଣ କରିନେଇଥିବା ଯୁବକ ମଧ୍ୟ ପୋଲିସ କବଜାରେ ଅଛି। ଯୁବକ ଜଣକ ଗତ ୬ ତାରିଖରେ ଯୁବତୀଙ୍କୁ ଅପହରଣ କରି କଟକକୁ ନେଇ ଆସିଥିଲା ।
ଘରକୁ ଫୋନ କରି ଅପହୃତା ଯୁବତୀ ଜଣକ ନିଜ ପରିବାର ସହ କଥା ହେଲା ବେଳେ ଅପହରଣ କରି କଟକ ନେଇଥିବା କହିଥିଲେ । ଯାହାର ଏକ ଅଡିଓ କଲ ସୋସିଆଲ ମିଡିଆରେ ଭାଇରାଲ ହୋଇଥିଲା। ଆଜି ସନ୍ଧ୍ୟାରେ ଯାଜପୁର ଧର୍ମଶାଳା ପୋଲିସ କଟକ ଜଗତପୁର ଅଞ୍ଚଳରେ ଚଢାଉ କରି ଯୁବତୀଙ୍କୁ ଉଦ୍ଧାର କରିବା ସହ ଯୁବକକୁ ଅଟକ ରଖିଛି। ଏହି ଘଟଣାକୁ ଅତି ଗମ୍ଭୀରତାର ସହ ନେଇ ଯାଜପୁର SDPO ତଦନ୍ତ ଆରମ୍ଭ କରିଥିଲେ। ଆଜି ଯୁବତୀଙ୍କୁ ସଫଳତାର ସହ ଉଦ୍ଧାର କରାଯାଇଛି। ତେବେ ଯୁବକ ଜଣକ କେଉଁ ଉଦ୍ଦେଶ୍ୟରେ ଅପହରଣ କରିଥିଲା ତାହା ପଚରାଉଚରା ପରେ ସ୍ପଷ୍ଟ ହେବ ବୋଲି ସୂଚନା ମିଳିଛି ।