ଭୁବନେଶ୍ୱର(କେନ୍ଯୁଜ): ମଦ କାରବାର ଓ ଦୋକାନ ଭାଗବଣ୍ଟାକୁ ନେଇ ଗତକାଲି ରକ୍ତରଞ୍ଜିତ ହୋଇଥିଲା ଭୁବନେଶ୍ୱର ମାଷ୍ଟରକ୍ୟାଣ୍ଟିନ୍। ୪ ଜଣଙ୍କୁ ମରଣାନ୍ତକ ଆକ୍ରମଣ କରିଥିଲେ ଦୁର୍ବୃତ୍ତ । ରାସ୍ତାରେ ପକାଇ ଅମାନୁଷିକ ଭାବେ ପିଟିବା ସହ ହାଣିଥିଲେ ଦୁର୍ବୃତ୍ତ । ଖାରବେଳନଗର ମାଳିସାହି ଅଞ୍ଚଳର ରାଜା ଓ ନରେଶଙ୍କ ସମେତ ୧୨ରୁ ଅଧିକ ଦୁର୍ବୃତ୍ତ ୪ଜଣଙ୍କୁ ଗୋଡାଇ ଗୋଡାଇ ହାଣିଥିଲେ। ଗୁରୁତର ଅବସ୍ଥାରେ ସେମାନଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି ।
ଗିରଫ ପରେ କ୍ୟାପିଟାଲ ଥାନା ପୋଲିସ ଆଜି ଅଭିଯୁକ୍ତ ରାଜାକୁ କୋର୍ଟ ଚାଲାଣ କରିବ। ଅନ୍ୟ ଆକ୍ରମଣକାରୀଙ୍କୁ ଗିରଫ କରିବା ପାଇଁ ପୋଲିସ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି। କ୍ୟାପିଟାଲ ଥାନା ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି।