ଯାଜପୁର (କେନ୍ୟୁଜ): ବର୍ଷ ବର୍ଷ ହେବ ଯାଜପୁର ଜିଲ୍ଲା ଚଣ୍ଡିଖୋଲର ମହାବିନାୟକ ଶୈବ ପୀଠ ଓ ଚଣ୍ଡିମନ୍ଦିରରେ ବହୁ ମାଙ୍କଡ ରହି ଆସୁଛନ୍ତି। ବିଶେଷ କରି ଭକ୍ତମାନେ ମନ୍ଦିରକୁ ଆସିବା ସମୟରେ ଏଠାରେ ରହୁଥିବା ମାଙ୍କଡମାନଙ୍କୁ ଖାଦ୍ୟ ପଦାର୍ଥ ଦେଇଥାନ୍ତି। ତେବେ କରୋନା କଟକଣା ହେତୁ ମନ୍ଦିର ବନ୍ଦ ରହିବା ସହିତ ଭକ୍ତଙ୍କୁ ଆସିବାକୁ ବାରଣ କରାଯାଇଛି।
ଫଳରେ ମାଙ୍କଡ ମାନେ ଭୋକିଲା ଅବସ୍ଥାରେ ରହୁଛନ୍ତି। ତେବେ ଲକଡାଉନ ଭିତରେ ଅନେକ ସ୍ବେଚ୍ଛାସେବୀ ସଙ୍ଗଠନ ମାଙ୍କଡଙ୍କୁ ଖାଦ୍ୟ ପଦାର୍ଥ ଯୋଗାଉଛନ୍ତି। ଆଜି ଅପରାହ୍ନରେ ବଡ଼ଚଣା ବିଧାୟକ ଅମର ପ୍ରସାଦ ଶତପଥୀ ନିଜ ସହକର୍ମୀଙ୍କ ସହ ମନ୍ଦିରକୁ ଯାଇ ମାଙ୍କଡ଼ ମାନଙ୍କୁ ଆହାର ଦେଇଛନ୍ତି।