କଟକ(କେନ୍ୟୁଜ୍) : ଆରେଷ୍ଟ ହେବ ଜାହାଜ। ସାମୁଦ୍ରିକ ବିବାଦ ସଂପର୍କିତ ଏକ ମାମଲାର ଶୁଣାଣି କରି ଏପରି ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ବ୍ୟାବସାୟିକ ବିବାଦକୁ ନେଇ କକେଟ ମେରାଇନ ଅଏଲ (ଏସିଆ) ପକ୍ଷରୁ ଦାୟର ଆବେଦନର ହାଇକୋର୍ଟ ଶୁଣାଣି କରି ପାରାଦୀପ ବନ୍ଦରରେ ଏମଭି ମେରାଇନ ହର୍ଣ୍ଣବିଲ (ଆଇଏମଓ ନମ୍ବର ୯୫୯୪୩୬୫) ଜାହାଜକୁ ଗିରଫ କରିବାକୁ ନିର୍ଦ୍ଦେଶ ଦେଇଛନ୍ତି।
ମାମଲାର ଶୁଣାଣି ସମୟରେ ଆବେଦନକାରୀଙ୍କ ତରଫରୁ ଦର୍ଶାଯାଇଥିଲା ଯେ ଏମଭି ମେରାଇନ ହର୍ଣ୍ଣବିଲ ଅଗଷ୍ଟ ୧୮ରେ ପରାଦୀପ ବନ୍ଦର ଛାଡ଼ିବ। ତେଣୁ ତୁରନ୍ତ ଜାହାଜ ଆରେଷ୍ଟ ପାଇଁ ନିର୍ଦ୍ଦେଶ ଦିଆଯାଉ। ଯଦି ଏନେଇ ନିର୍ଦ୍ଦେଶ ଦିଆ ନ ଯାଏ, ତେବେ ଆବେଦନକାରୀଙ୍କ ମାମଲା ଅର୍ଥହୀନ ହୋଇଯିବ ବୋଲି ହାଇକୋର୍ଟ ମତ ଦେବା ସହିତ ତୁରନ୍ତ ଏମଭି ମେରାଇନ ହର୍ଣ୍ଣବିଲକୁ ଆରେଷ୍ଟ କରିବାକୁ ନିର୍ଦ୍ଦେଶ ଦେଇଛନ୍ତି।
୨୪ ଘଣ୍ଟା ଭିତରେ ଜାହାଜ ଆରେଷ୍ଟ ସଂପର୍କିତ ୱାରେଣ୍ଟ ସଂକ୍ରାନ୍ତରେ ଆବେଦନକାରୀ ଅବଗତ କରିବେ ବୋଲି ହାଇକୋର୍ଟ କହିବା ସହିତ ମାମଲାରେ ପ୍ରତିପକ୍ଷଙ୍କୁ ନୋଟିସ୍ ଜାରି କରିଛନ୍ତି। ଏ ନେଇ ଆବେଦନକାରୀ ସଂସ୍ଥାର ଆଇନ ପରାମର୍ଶଦାତା ଦିବ୍ୟଆନନ୍ଦ ମିଶ୍ର ସୂଚନା ଦେଇଛନ୍ତି। ସୂଚନା ମୁତାବକ, ଯେ ୨,୬୭,୨୨୦ ଆମେରିକୀୟ ଡଲାର ଦାବି କରି କକେଟ ମେରାଇନ ଅଏଲ ପକ୍ଷରୁ ଏମଭି ମେରାଇନ ହର୍ଣ୍ଣବିଲ ବିରୋଧରେ ଏହି ମାମଲା ହାଇକୋର୍ଟରେ ଦାୟର କରାଯାଇଛି। ଏମଭି ମେରାଇନ ହର୍ଣ୍ଣବିଲ ପାନାମାର ଜାହାଜ ଓ ଏବେ ଏହା ପାରାଦୀପ ବନ୍ଦରରେ ଅଛି।