ଡିସେମ୍ବର ୧୫ ତାରିଖ ସୁଦ୍ଧା ରାଜ୍ୟର ସମସ୍ତ ଓକିଲ ସଂଘ କର୍ମକର୍ତ୍ତା ନିର୍ବାଚନ କର:ଆଇନଜୀବୀ ପରିସରକୁ ନିର୍ଦ୍ଦେଶ ଦେଲେ ହାଇକୋର୍ଟ
କେନ୍ୟୁଜ୍(ବ୍ୟୁରୋ): ଡିସେମ୍ବର ୧୫ ତାରିଖ ସୁଦ୍ଧା ରାଜ୍ୟର ସମସ୍ତ ଓକିଲ ସଂଘ କର୍ମକର୍ତ୍ତା ନିର୍ବାଚନ କରାଇବା ପାଇଁ ଆଜି ରାଜ୍ୟ ଆଇନଜୀବୀ ପରିସରକୁ ନିର୍ଦ୍ଦେଶ ଦେଇଛନ୍ତି ଓଡିଶା ହାଇକୋର୍ଟ। ନଭେମ୍ବର ମାସ ଶେଷ ସୁଦ୍ଧା ନିର୍ବାଚନ ସଂକ୍ରାନ୍ତୀୟ ବିଜ୍ଞପ୍ତି ପ୍ରକାଶ କରିବା ସହ ଡିସେମ୍ବର ୧୫ ସୁଦ୍ଧା ସମସ୍ତ ବାର ଆସୋସିଏସନ୍ କର୍ମକର୍ତ୍ତା ନିର୍ବାଚନ କରିବା ପାଇଁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି।
ପୂର୍ବରୁ ଦୁଇ ଥର ଏନେଇ ପ୍ରସ୍ତୁତି ହୋଇଥିଲେ ବି କୋଭିଡ୍ କଟକଣା ଯୋଗୁ ନିର୍ବାଚନକୁ ସ୍ଥଗିତ ରଖିବାକୁ ପଡିଥିଲା। ଯାହାକୁ ଆଧାର କରି ହାଇକୋର୍ଟରେ ଏକାଧିକ ମାମଲା ଦାୟର ହୋଇଥିଲା। ଆଜି ଏହି ସମସ୍ତ ମାମଲାର ଏକତ୍ର ଶୁଣାଣି କରିଥିଲେ ହାଇକୋର୍ଟ। ସମସ୍ତ ବାର ଆସୋସିଏସନ୍ର ନିର୍ବାଚନ ଗୋଟିଏ ଦିନରେ କରିବା ଲାଗି ବାର କାଉନସିଲ ଅଫ୍ ଇଣ୍ଡିଆର ଗାଇଡଲାଇନ୍ ରହିଥିବା ବେଳେ ଗୋଟିଏ ଦିନରେ ରାଜ୍ୟର ସମସ୍ତ ଆସୋସିଏସନ୍ ନିର୍ବାଚନ କରିବାକୁ ଓଡିଶା ହାଇକୋର୍ଟ ନିର୍ଦ୍ଦେଶ ଦେଇଛନ୍ତି।
