ଅନୁଗୁଳ : ଦ୍ୱିତୀୟ ବିବାହ ଉଦ୍ୟମ ବେଳେ ହଟହଟା ହେଲା ବର। ବାହା ବେଦିରୁ ଯୁବକଙ୍କୁ ଗିରଫ କରି ଉଠାଇନେଲା ହିନ୍ଦୋଳ ପୋଲିସ । ଅନୁଗୁଳ ଥାନା ମଝିକା ମନ୍ଦିରରେ ବିବାହ ଚାଲୁଥିବା ବେଳେ ପୋଲିସ ହାତରେ ଧରା ପଡିଛି ଯୁବକ ଜଣକ। ସେ ବିବାହିତ ହୋଇଥିବା ବେଳେ ପୁଣି ଥରେ ଆଉ ଜଣେ ଯୁବତୀଙ୍କୁ ବିବାହ କରୁଥିବା ନେଇ ପୋଲିସ ଖବର ପାଇଥିଲା । ଢେଙ୍କାନାଳ ଜିଲ୍ଲା ହିନ୍ଦୋଳ ଥାନା ବିଲେଇଖଳି ଗାଁର ଜଣେ ଯୁବତୀଙ୍କୁ ୨୦୧୮ରେ ସେ ବିବାହ କରିଥିବା ଅଭିଯୋଗ ହୋଇଥିଲା । ସଂପୃକ୍ତ ଯୁବକ ଜଣକ ଆଜି କାଳିଆକଟା ଗାଁର ଆଉ ଜଣେ ଯୁବତୀଙ୍କୁ ମିଥ୍ୟା ପ୍ରଲୋଭନ ଦେଖାଇ ବିବାହ କରୁଥିଲା। ଏହି ଘଟଣା ନେଇ ଜଣେ ସ୍ୱେଚ୍ଛାସେବୀ ପୋଲିସକୁ ଖବର ଦେଇଥିଲେ। ପୋଲିସ ଘଟଣାସ୍ଥଳରୁ ଅଭିଯୁକ୍ତକୁ ଗିରଫ କରିଛି।