5T ଅଧୀନରେ ସ୍କୁଲ ରୂପାନ୍ତରଣ କାର୍ଯ୍ୟକ୍ରମ ଆରମ୍ଭ, ୩ବର୍ଷରେ ଶେଷ କରିବାକୁ ଲକ୍ଷ
ଭୁବନେଶ୍ୱର(କେ ନ୍ୟୁଜ): ଛାତ୍ରଛାତ୍ରୀମାନେ କିଭଳି ସୁରୁଖୁରୁରେ କ୍ଲାସ କରିପାରିବେ ସେଥିପାଇଁ ସ୍କୁଲ ରୂପାନ୍ତରଣ କାର୍ଯ୍ୟକ୍ରମ ଆରମ୍ଭ ହୋଇଛି। ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ 5T କାର୍ଯ୍ୟକ୍ରମ ଅଧୀନରେ ଚାଲିଛି କାର୍ଯ୍ୟକ୍ରମ। ପ୍ରଥମ ପର୍ଯ୍ୟାୟରେ ୧୧ଶହ ଓ ପରବର୍ତ୍ତୀ ପର୍ଯ୍ୟାୟରେ ୨୫ଶହ ସ୍କୁଲର ରୂପାନ୍ତରଣ କରାଯାଇଛି। ଆଗାମୀ ୩ବର୍ଷ ମଧ୍ୟରେ ସମସ୍ତ ସ୍କୁଲର ରୂପାନ୍ତରଣ କାର୍ଯ୍ୟକ୍ରମ ସାରିବାକୁ ଲକ୍ଷ୍ୟ ରଖାଯାଇଛି । ଏହା ଦ୍ୱାରା ଛାତ୍ରଛାତ୍ରୀ ସ୍ମାର୍ଟକ୍ଲାସରେ ପାଠ ପଢିପାରିବେ। ଶିକ୍ଷକ ଅଭାବ ଦୂର କରିବା ପାଇଁ ମଧ୍ୟ ପ୍ରୟାସ ଜାରି ରହିଛି ।
ଡିସେମ୍ବର ପୂର୍ବରୁ ପ୍ରାୟ ୧୬ହଜାର ଶିକ୍ଷକଙ୍କୁ ନିଯୁକ୍ତି ଦିଆଯିବ ବୋଲି କହିଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ। ସମ୍ବଲପୁର ସହର ଲେଡି ଲୁଇସ ସ୍କୁଲକୁ ଅଚାନକ ଗସ୍ତ କରି ଏହା କହିଛନ୍ତି ମନ୍ତ୍ରୀ। ବିଭିନ୍ନ କ୍ଲାସରେ ଛାତ୍ରଛାତ୍ରୀଙ୍କ ସହ ଆଲୋଚନା କରି ସ୍ମାର୍ଟ କ୍ଲାସ ରୁମ ସଂପର୍କରେ ପଚାରି ବୁଝିଥିଲେ।
