ଯାଜପୁର ସହରରେ ନିୟମ ଉଲଂଘନ ଅଭିଯୋଗରେ ସିଲ୍ ହେଲା ଦୋକାନ, ଅମାନିଆଙ୍କଠୁ ଜରିମାନା ଆଦାୟ
ଯାଜପୁର ଟାଉନ: ସାରା ରାଜ୍ୟରେ ଜାରି ରହିଛି ଲକ ଡାଉନ। ଏଥିପାଇଁ ସକାଳ ୬ରୁ ଦିନ ୧୨ଟା ପର୍ଯ୍ୟନ୍ତ କେବଳ ପନିପରିବା ଓ ଆମିଷ,ତେଜରାତି ଦୋକାନ ଖୋଲିବାକୁ ନିୟମ ରହିଛି। କିନ୍ତୁ ଯାଜପୁରରେ ଏହାର ବ୍ୟତିକ୍ରମ ହେଉଥିବା ଦେଖି ଯାଜପୁର ପୋଲିସ ଓ ପ୍ରଶାସନ ପକ୍ଷରୁ ଚଢ଼ାଉ କରାଯାଇଛି।
ଯାଜପୁର ସହରରେ କେତେକ ଅମାନିଆ ଦୋକାନ ଖୋଲିଥିବା ନଜରକୁ ଆସିବା ପରେ ସେ ଗୁଡିକୁ ସିଲ କରାଯାଇଛି। ଯାଜପୁରର ଅତିରିକ୍ତ ତହସିଲଦାର କ୍ଷୀରୋଦ ଚନ୍ଦ୍ର ପ୍ରଧାନ ଓ ଥାନା ଅଧିକାରୀ ମାନସ ରଞ୍ଜନ ଚକ୍ରଙ୍କ ନେତୃତ୍ୱରେ ବିଭିନ୍ନ ସ୍ଥାନରେ ମାସ୍କ ଚେକିଂ କରାଯିବା ସହିତ ଅମାନିଆଙ୍କ ଠାରୁ ଜରିମାନା ଆଦାୟ କରାଯାଇଛି। ଯେଉଁମାନେ ନିୟମ ଉଲଂଘନ କରି ଦୋକାନ ଖୋଲିଥିଲେ ସେମାନଙ୍କ ଦୋକାନକୁ ସିଲ କରାଯାଇଛି।
