ଭୁବନେଶ୍ୱର (କେନ୍ୟୁଜ୍) : କମିଶନରେଟ୍ ପୋଲିସକୁ ବଡ଼ ସଫଳତା। ଭୁବନେଶ୍ୱରରୁ କାର୍ ଲୁଟେରା ଗ୍ୟାଙ୍ଗର ପର୍ଦ୍ଦାଫାସ୍। ଗିରଫ ହୋଇଛନ୍ତି ୪ ଲୁଟେରା। ସେମାନଙ୍କଠାରୁ ୩ଟି କାର୍, ୨ଟି ବାଇକ୍ ଜବତ ହୋଇଛି। ଏମାନେ ଭୁବନେଶ୍ୱର, କଟକ ଓ ଆଠଗଡ଼ ଅଞ୍ଚଳରୁ କାର ଲୁଟ କରିଥିବା ଜଣାପଡ଼ିଛି। ରାଜ୍ୟର ବିଭିନ୍ନ ଜିଲ୍ଲାରେ ଏମାନଙ୍କ ନାଁରେ ମାମଲା ରହିଛି। ଦାମୀ ଗାଡ଼ିକୁ ୩୦ରୁ ୪୦ ହଜାର ଟଙ୍କାରେ ବିକ୍ରି କରୁଥିଲେ। ତେବେ ଗ୍ୟାଙ୍ଗର ୪ ଜଣ ଗିରଫ ହୋଇଥିବା ବେଳେ ଆଉକିଛି ଅଭିଯୁକ୍ତ ଫେରାର ଅଛନ୍ତି। ନୟାପଲ୍ଲୀ ଅଞ୍ଚଳରୁ ଗତ ମାସ ୮ ତାରିଖରେ ଜଣେ ବ୍ୟବସାୟୀଙ୍କଠାରୁ ଇନୋଭା କାର୍ ଲୁଟ୍ କରିଥିବା ବେଳେ ସହିଦନଗରଠାରେ ପୋଲିସକୁ ଦେଖି ଗାଡ଼ି ଛାଡ଼ି ଫେରାର ହୋଇଯାଇଥିଲେ। ତେବେ ଲୁଟେରା ମାନେ ବ୍ୟବହାର କରୁଥିବା ଗାଡ଼ିଟି ଫୁଲବାଣୀରୁ ଲୁଟ୍ କରିଥିଲେ ବୋଲି ଜଣାପଡ଼ିଛି।