କଂଗ୍ରେସରୁ ବହିଷ୍କାର ପାଇଁ ମୋ ଆତ୍ମାକୁ ବାଧିଛି : ସୁର ରାଉତରାୟ
କଂଗ୍ରେସରୁ ବହିଷ୍କାର ପାଇଁ ମୋ ଆତ୍ମାକୁ ବାଧିଛି । ୨ ରାତି ଶୋଇ ପାରିନାହିଁ । ଏହା କହିଛନ୍ତି ଜଟଣୀ ବିଧାୟକ ସୁର ରାଉତରାୟ ।
ଭୁବନେଶ୍ୱର : କଂଗ୍ରେସରୁ ବହିଷ୍କାର ପାଇଁ ମୋ ଆତ୍ମାକୁ ବାଧିଛି । ୨ ରାତି ଶୋଇ ପାରିନାହିଁ । ଏହା କହିଛନ୍ତି ଜଟଣୀ ବିଧାୟକ ସୁର ରାଉତରାୟ । ପୁଣି କଂଗ୍ରେସ ବିରୋଧରେ ସେ ବିଷୋଦଗାର କରିଛନ୍ତି । କହିଛନ୍ତି, ଭୁବନେଶ୍ୱର ଲୋକସଭା ଆସନ ପାଇଁ କଂଗ୍ରେସ ୟାଶିର ନୱାଜଙ୍କୁ ପ୍ରାର୍ଥୀ କରିଛି । ଏହାର କିଛି ପ୍ରଭାବ ମନ୍ମଥଙ୍କ ଉପରେ ପଡ଼ିବ ନାହିଁ ।
ବିଜେଡିକୁ ସମର୍ଥନ କରୁନାହିଁ । ମୁଁ ମୋ ପୁଅ ମନ୍ମଥକୁ ସମର୍ଥନ କରୁଛି ବୋଲି କହିଛନ୍ତି ସୁର । ୨୦୨୪ ନିର୍ବାଚନରେ ମନ୍ମଥ ରାଉତରାୟ ବିପୁଳ ଭୋଟରେ ବିଜୟୀ ହେବେ ବୋଲି ସେ କହିଛନ୍ତି । କଂଗ୍ରେସ ଦଳର କୌଣସି କ୍ଷତି ହେଉ ଚାହୁଁନାହିଁ ।
କିନ୍ତୁ ମୋ ପ୍ରତି ହୋଇଥିବା ଅନ୍ୟାୟ ପାଇଁ ନିଶ୍ଚୟ ସ୍ୱର ଉତ୍ତୋଳନ କରିବି । ନିର୍ବାଚନ ପରେ ୨୯ ତାରିଖରେ ସମସ୍ତେ ଦେଖିବେ ମୋ ସମର୍ଥକ କେଉଁଭଳି ବିଦ୍ରୋହ କରିବେ । ବିଦ୍ରୋହ କରି ଶହେ ଜଣ ଜେଲକୁ ଯିବାକୁ ପ୍ରସ୍ତୁତ ଅଛନ୍ତି ବୋଲି କହିଛନ୍ତି ସୁର ।