ବ୍ୟସ୍ତବହୁଳ ଜୀବନରେ ମଣିଷ ଶରୀରରେ ଦେଖାଦେଉଛି ୨ଟି ଜିନିଷର ଅଭାବ, କେମିତି ପାଇବେ ରକ୍ଷା
ଏସି ସହିତ ବନ୍ଦ ଘର ଏବଂ ଅଫିସ୍ରେ କାମ କରିବା କାରଣରୁ ଲୋକମାନେ ଭିଟାମିନ୍ D ର ଅଭାବର ଶିକାର ହେଉଛନ୍ତି । ଏହା ପୂରା ସ୍ୱାସ୍ଥ୍ୟ ଉପରେ ପ୍ରଭାବ ପକାଉଛି । କେବଳ ଏତିକି ନୁହେଁ, ବାହାରର ଖାଦ୍ୟ ଯୋଗୁଁ ଶରୀର ସମସ୍ତ ପୋଷକ ତତ୍ତ୍ୱ ପାଇପାରୁନାହିଁ । ଯେଉଁ କାରଣରୁ ଭିଟାମିନ୍ B12 ମଧ୍ୟ କମ୍ ହେବାକୁ ଆରମ୍ଭ କରିଥାଏ ।
ଆଜିକାଲି ନିଜ ଘରଠାରୁ ବାହାରେ ରହୁଥିବା ଅଧିକାଂଶ ଲୋକ ଭିଟାମିନ୍ ଏବଂ ମିନେରାଲ୍ସର ଅଭାବରେ ପୀଡିତ ହେଉଛନ୍ତି । ତେବେ ଏସି ସହିତ ବନ୍ଦ ଘର ଏବଂ ଅଫିସ୍ରେ କାମ କରିବା କାରଣରୁ ଲୋକମାନେ ଭିଟାମିନ୍ D ର ଅଭାବର ଶିକାର ହେଉଛନ୍ତି । ଏହା ପୂରା ସ୍ୱାସ୍ଥ୍ୟ ଉପରେ ପ୍ରଭାବ ପକାଉଛି । କେବଳ ଏତିକି ନୁହେଁ, ବାହାରର ଖାଦ୍ୟ ଯୋଗୁଁ ଶରୀର ସମସ୍ତ ପୋଷକ ତତ୍ତ୍ୱ ପାଇପାରୁନାହିଁ । ଯେଉଁ କାରଣରୁ ଭିଟାମିନ୍ B12 ମଧ୍ୟ କମ୍ ହେବାକୁ ଆରମ୍ଭ କରିଥାଏ । ତେବେ ଏହି ଦୁଇଟି ଭିଟାମିନ୍ ଆପଣଙ୍କୁ ସୁସ୍ଥ ରଖିବାରେ ସାହାଯ୍ୟ କରିଥାଏ । ଭିଟାମିନ୍ D ଅଭାବକୁ ଖାଦ୍ୟ ଏବଂ ସକାଳର ସୂର୍ଯ୍ୟ କିରଣ ଦ୍ୱାରା ପୂରଣ କରାଯାଇପାରିବ । କିନ୍ତୁ ଭିଟାମିନ୍ B12 ଅଭାବକୁ କେବଳ ଖାଦ୍ୟ ଦ୍ୱାରା ପୂରଣ କରାଯାଇପାରିବ । ତାହେଲେ ଆସନ୍ତୁ ଜାଣିବା ଯେ ଏହି ଦୁଇଟି ଭିଟାମିନ୍ ଶରୀର ପାଇଁ କାହିଁକି ଜରୁରୀ ଏବଂ ସେମାନଙ୍କର ଅଭାବକୁ କିପରି ଦୂର କରାଯାଇପାରିବ ?
ଶରୀରରେ ଭିଟାମିନ୍ Dର ଅଭାବ ଅଛି ବୋଲି କିପରି ଜାଣିବେ :
ଶରୀରରେ ଭିଟାମିନ୍ D ର ଅଭାବ ହେତୁ କିଛି ଲକ୍ଷଣ ସ୍ପଷ୍ଟ ଦେଖାଯାଏ । ଭିଟାମିନ୍ D କମ ହେବା ମାତ୍ରେ ମାଂସପେଶୀ ଯନ୍ତ୍ରଣା, ଦୁର୍ବଳତା ଏବଂ ହାଡରେ ଯନ୍ତ୍ରଣା ବଢିଯାଏ । ଶିଶୁ ଏବଂ ବୃଦ୍ଧମାନଙ୍କ ମଧ୍ୟରେ ଭିଟାମିନ୍ D ବହୁତ କମ୍ ମିଳିଥାଏ । ଏଥିପାଇଁ ପିଲାମାନେ ମାଂସପେଶୀ କଷ୍ଟରେ ପୀଡିତ ହୋଇପାରନ୍ତି ଏବଂ ଯଦି ଗୁରୁତର ହୁଅନ୍ତି, ତେବେ ରିକେଟ୍ ସମସ୍ୟାର ସମ୍ମୁଖିୀନ ହୋଇଥାନ୍ତି । ତେବେ ଭିଟାମିନ୍ D ର ଅଭାବ ହେତୁ ଶରୀରରେ କ୍ୟାଲସିୟମ୍ ମଧ୍ୟ କମିବା ଆରମ୍ଭ କରେ । ଏପରି ପରିସ୍ଥିତିରେ ବିଭିନ୍ନ ପ୍ରକାରର ସମସ୍ୟା ଦେଖାଦେଇଥାଏ ।
ଜାଣନ୍ତୁ ଶରୀରରେ ଭିଟାମିନ୍ Dର ଅଭାବକୁ କିପରି ଦୂର କରିପାରିବେ :
ଭିଟାମିନ୍ D ଅଭାବକୁ ଦୂର କରିବାର ସର୍ବୋତ୍ତମ ଉପାୟ ହେଉଛି ପ୍ରତିଦିନ ସକାଳେ ୧୫ ରୁ ୨୦ ମିନିଟ୍ ପର୍ଯ୍ୟନ୍ତ ଖରାରେ ବସିବା । ସକାଳର ସୂର୍ଯ୍ୟ କିରଣ ଶରୀରରେ ଭିଟାମିନ୍ D ର ଅଭାବ ପୂରଣ କରିଥାଏ । ଏହା ବ୍ୟତୀତ ଦୁଗ୍ଧଜାତ ଦ୍ରବ୍ୟ, ଛତୁ, କମଳା, ସି ଫୁଡ୍ ଏବଂ ଶସ୍ୟକୁ ଆପଣଙ୍କ ଖାଦ୍ୟରେ ଅନ୍ତର୍ଭୁକ୍ତ କରନ୍ତୁ ।
ଶରୀରରେ ଭିଟାମିନ୍ B12 ଅଭାବ ଅଛି ବୋଲି କିପରି ଜାଣିବେ :
ଭିଟାମିନ୍ B12 ର ଅଭାବ ହେତୁ ଶାରୀରରେ, ସ୍ନାୟୁଗତ ଏବଂ ମାନସିକ ସମସ୍ୟା ବଢିବାକୁ ଲାଗେ । ତେବେ ଆରମ୍ଭରେ ଏହାର ଲକ୍ଷଣ ବହୁତ ଧୀରେ ହୋଇଥାଏ । କିନ୍ତୁ ଯଦି ଠିକ୍ ସମୟରେ ଧ୍ୟାନ ନ ଦିଅନ୍ତି ତେବେ ପରିସ୍ଥିତି ବିପଜ୍ଜନକ ହୋଇପାରେ । ଶରୀରରେ ଭିଟାମିନ୍ B12 ଅଭାବ ହେତୁ ହାତ ଏବଂ ପାଦ ଅସ୍ଥିର ହେବାକୁ ଲାଗେ ଏବଂ ମାଂସପେଶୀ ଦୁର୍ବଳ ଏବଂ ଥକାପଣ ଲାଗିଥାଏ । ବେଳେବେଳେ ସାମାନ୍ୟ ଡିପ୍ରେସନ୍, ଚିନ୍ତା କିମ୍ବା କନ୍ଫି୍ୟୁଜନ୍ ପରି ପରିସ୍ଥିତି ଉପୁଜିପାରେ । ଏହିପରି ଲୋକମାନେ ଅତ୍ୟଧିକ ଥକ୍କା, ଦୁର୍ବଳତା, ବାନ୍ତି ଭଳି ସମସ୍ୟାର ସମ୍ମୁଖୀନ ହୋଇଥାନ୍ତି । ଜିଭରେ ଥିବା ଲାଲ୍ ଫୁଲା ମଧ୍ୟ ଭିଟାମିନ୍ B12 ଅଭାବର ଲକ୍ଷଣ ହୋଇଥାଏ ।
ଜାଣନ୍ତୁ ଶରୀରରେ ଭିଟାମିନ୍ B12 ଅଭାବକୁ କିପରି ଦୂର କରାଯାଇପାରିବ :
ଆପଣଙ୍କ ଖାଦ୍ୟରେ ଆପଣ ଆନିମଲ ବେଷ୍ଟ ଫୁଡ୍, ନନ୍ଭେଜ୍, କ୍ଷୀର, ଦହି, ପନିର ଅନ୍ତର୍ଭୂକ୍ତ କରନ୍ତୁ । ଯେପରି ରେଡ୍ ମିଟ୍, ମାଛ, ଚିକେନ୍ ଏବଂ ଅଣ୍ଡା ଖାଆନ୍ତୁ । ଏହା ବ୍ୟତୀତ ବାଦାମ ଏବଂ ପାଳଙ୍ଗ ପରି ପନିପରିବା ଆପଣଙ୍କ ଖାଦ୍ୟରେ ଅନ୍ତର୍ଭୁକ୍ତ କରନ୍ତୁ । ଯଦି ଭିଟାମିନ୍ B12 ଅତ୍ୟଧିକ କମ୍ ହୋଇଯାଉଛି, ତାହେଲେ ସପ୍ଲିମେଣ୍ଟ ଗ୍ରହଣ କରି ଅଭାବକୁ ଦୂର କରିପାରିବେ ।
