ମହାନଦୀକୁ ଡେଇଁ ନିଖୋଜ ଥିବା ବ୍ୟକ୍ତି ଉଦ୍ଧାର, ସେଲଫି ନେବା ବେଳେ ଖସି ପଡିଥିଲେ
ସେଲଫି ନେବାବେଳେ ଖସିପଡିଲେ। ୩ ଘଣ୍ଟା ପରେ ସୁରକ୍ଷିତ ଉଦ୍ଧାର କଲା ଅଗ୍ନିଶମ ବାହିନୀ। ସମ୍ବଲପୁର ଚାଉଁରପୁର ପୋଲ ଉପରରେ ବସିଥିବାବେଳେ ପାଣିକୁ ଖସିପଡିଲେ ୭୦ ବର୍ଷୀୟ ବୃଦ୍ଧ। ୩ ଘଣ୍ଟାର ସର୍ଚ୍ଚ ଅପରେସନ ପରେ ଉଦ୍ଧାର କଲା ଅଗ୍ନିଶମ ବାହିନୀ।
ସମ୍ବଲପୁର (କେନ୍ୟୁଜ): ରଖେ ହରି ତ ମାରେ କିଏ। ସେଲଫି ନେବାବେଳେ ଖସିପଡିଲେ। ୩ ଘଣ୍ଟା ପରେ ସୁରକ୍ଷିତ ଉଦ୍ଧାର କଲା ଅଗ୍ନିଶମ ବାହିନୀ। ସମ୍ବଲପୁର ଚାଉଁରପୁର ପୋଲ ଉପରରେ ବସିଥିବାବେଳେ ପାଣିକୁ ଖସିପଡିଲେ ୭୦ ବର୍ଷୀୟ ବୃଦ୍ଧ। ୩ ଘଣ୍ଟାର ସର୍ଚ୍ଚ ଅପରେସନ ପରେ ଉଦ୍ଧାର କଲା ଅଗ୍ନିଶମ ବାହିନୀ। ତାଙ୍କ ନାଁ ସୁରେନ୍ଦ୍ର ମୋହନ ମିଶ୍ର।
ସେ ଜିଲ୍ଲାପାଳ କାର୍ଯ୍ୟାଳୟର ଜଣେ ଅବସରପ୍ରାପ୍ତ କର୍ମଚାରୀ ବୋଲି ଜଣାପଡ଼ିଛି । ଆଜି ସକାଳେ ସୁରେନ୍ଦ୍ର ପୋଲ ଉପରେ ବସି ଫଟୋ ଉଠାଉଥିବାବେଳେ ଅସାବଧାନତାବଶତଃ ପାଣି ଭିତରେ ଖସିପଡିଥିଲେ। ପୋଲ ଉପରେ ସ୍କୁଟି ଓ ଚପଲ ପଡିଥିବା ଦେଖି ସ୍ଥାନୀୟ ଲୋକେ ପୋଲିସ ଓ ଅଗ୍ନିଶମ ବାହିନୀକୁ ଖବର ଦେଇଥିଲେ। ବହୁ ଖୋଜାଖୋଜି ପରେ ବୃଦ୍ଧଙ୍କୁ ପାଣି ଭିତରୁସୁରକ୍ଷିତ ଉଦ୍ଧାର କରାଯାଇଥିଲା।
