କୋରାପୁଟ (କେନ୍ୟୁଜ): ଆନ୍ଧ୍ର ସୀମାନ୍ତ ଶୁଙ୍କି ଘାଟିରୁ ହଟିଲା ବଡ଼ ବଡ଼ ପଥର । ରାସ୍ତା କଡରୁ ବଡ଼ ବଡ଼ ପଥରଗୁଡ଼ିକୁ ସଫା କରାଯାଇଥିଲା । ଏନେଇ ଟୁଇଟ କରି ସୂଚନା ଦେଇଛନ୍ତି କୋରାପୁଟ ଜିଲ୍ଲାପାଳ ଅବଦାଲ ମହମ୍ମଦ ଅଖତର । ବର୍ଷା ପବନ ହେଲେ ରାସ୍ତା ମାଟି ଧସି, ପଥର ପଡି ରାସ୍ତା ଅବରୋଧ ହେବା ସହ ଘଣ୍ଟା ଘଣ୍ଟା ଧରି ଗାଡି ଚଳାଚଳ ବନ୍ଦ ରହୁଥିବା ନଜର ରହିଛି ।
ଶୁଙ୍କି ରାସ୍ତାଦେଇ ତାମିଲନାଡ, ଆନ୍ଧ୍ର, ଓଡ଼ିଶା, ଛତିଶଗଡ ଓ ଝାଡଖଣ୍ଡ ରାଜ୍ୟକୁ ବହୁ ଗାଡି ଚଳାଚଳ କରୁଛି । ଘାଟିରେ ବାରମ୍ବାର ପଥର ଖସିବା ଯୋଗୁଁ ଅନେକଙ୍କ ଜୀବନ ମଧ୍ୟ ଯାଇଛି ଏପରିକି ଦୀର୍ଘ ସମୟ ଧରି ରାସ୍ତା ଅବରୋଧ ହୋଇ ମଧ୍ୟ ରହୁଛି । ଘାଟିକୁ ବିପଦ ମୁକ୍ତ କରି ସୁରକ୍ଷିତ ଗାଡିଚଳାଚଳ ପାଇଁ ବ୍ୟବସ୍ଥା କରିବାକୁ ପ୍ରଶାସନ ପକ୍ଷରୁ ଆରମ୍ଭ ହୋଇଛି ଉଦ୍ୟମ ।