ଭୁବନେଶ୍ବର(କେନ୍ଯୁଜ୍): ହାତରେ ଆଉ ମାତ୍ର କେଇ ଘଣ୍ଟା। ଆଜି ସନ୍ଧ୍ୟାରେ ଥମିବ ପ୍ରଚାର। ଅପରାହ୍ନ ୫ଟା ପରେ ପ୍ରଚାର ଓ ଶୋଭାଯାତ୍ରା ହୋଇପାରିବ ନାହିଁ। ପୌର ନିର୍ବାଚନ ପାଇଁ ଶେଷ ପର୍ଯ୍ୟାୟରେ ମାରାଥନ କ୍ୟାମ୍ପେନିଂ କରୁଛନ୍ତି ବିଭିନ୍ନ ଦଳର ପ୍ରାର୍ଥୀ। ଚଳାଇଛନ୍ତି ଝାଳବୁହା ପ୍ରଚାର । ମୈଦାନରେ କ୍ୟାମ୍ପେନ୍ ମଙ୍ଗ ଧରିଛନ୍ତି ହେଭିୱେଟ୍।
କେଉଁଠି ବାଇକ୍ ରାଲି ତ ଆଉ କେଉଁଟି ରୋଡ୍ ସୋ । ଡୋର୍ ଟୁ ଡୋର୍ କ୍ୟାମ୍ପେନ୍ କରି ପ୍ରାର୍ଥୀ ମାଗୁଛନ୍ତି ଜନସମର୍ଥନ । ଗଳିକନ୍ଦିରେ ଚକ୍କର କାଟୁଛି ପ୍ରଚାର ଗାଡ଼ି । ସିନେ ତାରକା ବି ପ୍ରଚାର ଲଢ଼େଇରେ ସାମିଲ ହୋଇଛନ୍ତି । ଆସନ୍ତାକାଲି ଅପରାହ୍ନ ସୁଦ୍ଧା ସବୁ ପୁଲିଂ କର୍ମଚାରୀ ନିଜ ନିଜ ବୁଥ୍ରେ ପହଞ୍ଚିବେ। ୨୪ ତାରିଖ ସକାଳ ୮ଟାରୁ ଅପରାହ୍ନ ୫ଟା ପର୍ଯ୍ୟନ୍ତ ଚାଲିବ ଭୋଟ ଗ୍ରହଣ। ୨୬ ତାରିଖ ସକାଳ ୮ଟାରୁ ଗଣତି ଚାଲିବ।