ବନବିଭାଗର ରେଡ୍କୁ ବିରୋଧ କଲେ ଗାଁ ଲୋକେ, ଛଡ଼ାଇନେଲେ ଜେସିବି
ଟାଙ୍ଗୀ(କେ ନ୍ୟୁଜ): ବନବିଭାଗର ରେଡ୍କୁ ଗାଁ ଲୋକଙ୍କ ବିରୋଧ । ଜବତ ଜେସିବିକୁ ଛଡ଼ାଇନେଲେ ଗ୍ରାମବାସୀ । ଖୋର୍ଦ୍ଧା ଜିଲ୍ଲା ଟାଙ୍ଗୀ ବନାଞ୍ଚଳ ଅଧୀନ ଗମେଇ ଗାଁରେ ଏକ ବେଆଇନ ମାଙ୍କଡ଼ା ପଥର ଖଣିରେ ପଥର କଟା ଚାଲିଥିବା ବେଳେ ବନବିଭାଗ ଟିମ୍ ଚଢ଼ାଉ କରିଥିଲା ।
ଟାଙ୍ଗୀ, ରଣପୁର, ବାଲୁଗାଁ, ଖୋର୍ଦ୍ଧା ବନବିଭାଗ ପକ୍ଷରୁ ମିଳିତ ରେଡ ବେଳେ ଏକ ଜେସିବିକୁ ଜବତ କରାଯାଇଥିଲା । ଏହାକୁ ବନ ବିଭାଗ ଟାଙ୍ଗୀ ଆଣୁଥିବା ବେଳେ ଗାଁ ଲୋକ ଜୋରଦାର ବିରୋଧ କରିଥିଲେ । ବଳପୂର୍ବକ ସେମାନେ ଜେସିବିକୁ ଛଡ଼ାଇ ନେଇଥିଲେ ।
