ଆଜିଠୁ ବଦଳିବ ପାଗ, ତାତିରେ ଲାଗିବ ବ୍ରେକ୍
ଆଜିଠୁ ବଦଳିବ ପାଗ । ତାତିରେ ଲାଗିବ ବ୍ରେକ୍ । କାଳବୈଶାଖୀ ବର୍ଷା ଆଣିବ ସାମାନ୍ୟ ଆଶ୍ବସ୍ତି । ୯ ତାରିଖ ଯାଏ ପ୍ରବଳ ବର୍ଷା ସହ କୁଆପଥର ଝଡ଼ । କିଛି ସ୍ଥାନରେ କୁଆପଥର ବର୍ଷା ମଧ୍ୟ ହୋଇପାରେ । ୨୪ଘଣ୍ଟା ପାଇଁ କାଳବୈଶାଖୀ ଓ କୁଆପଥର ବୃଷ୍ଟି ନେଇ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି ।
ଭୁବନେଶ୍ବର : ଆଜିଠୁ ବଦଳିବ ପାଗ । ତାତିରେ ଲାଗିବ ବ୍ରେକ୍ । କାଳବୈଶାଖୀ ବର୍ଷା ଆଣିବ ସାମାନ୍ୟ ଆଶ୍ବସ୍ତି । ୯ ତାରିଖ ଯାଏ ପ୍ରବଳ ବର୍ଷା ସହ କୁଆପଥର ଝଡ଼ । କିଛି ସ୍ଥାନରେ କୁଆପଥର ବର୍ଷା ମଧ୍ୟ ହୋଇପାରେ । ୨୪ଘଣ୍ଟା ପାଇଁ କାଳବୈଶାଖୀ ଓ କୁଆପଥର ବୃଷ୍ଟି ନେଇ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି । ୮ ଜିଲ୍ଲାକୁ ପାଣିପାଗ ବିଭାଗ ପକ୍ଷରୁ ଅରେଞ୍ଜ ୱାର୍ଣ୍ଣିଂ ଜାରି କରାଯାଇଛି ।
ପଶ୍ଚିମାଝଡ଼ ପ୍ରଭାବରେ ଗୋଟିଏ ନିମ୍ନ ଚାପରେଖା ବା ଟ୍ରପ ଲାଇନ୍ ସୃଷ୍ଟି ହୋଇଛି । ଅନ୍ୟପଟେ ବଙ୍ଗୋପସାଗର କୂଳରେ ଏକ ଗୁରୁଚାପ ବଳୟ ରହିଛି । ଏହାର ପ୍ରଭାବରେ କୁଆପଥର ବର୍ଷା ହେବ ବୋଲି ପୂର୍ବାନୁମାନ କରଛି ପାଣିପାଗ ବିଭାଗ । ୨ଦିନ ପରେ ତାପମାତ୍ରା ପୁଣି ଥରେ ବୃଦ୍ଧି ପାଇବ ।
୨ରୁ ୪ ଡିଗ୍ରୀ ତାପମାତ୍ରା ବୃଦ୍ଧି ପାଇବ । ଆଜି ୨ଟା ୩୦ ସୁଦ୍ଧା ଭୁବନେଶ୍ବର ୩୭.୨ ଡିଗ୍ରୀ ରେକର୍ଡ କରାଯାଇଛି । ରାଉରକେଲା-୩୬.୪, ସମ୍ବଲପୁର-୩୬.୩, ଝାରସୁଗୁଡ଼ା-୩୬.୨ ଡିଗ୍ରୀ ରେକର୍ଡ ହୋଇଛି । କିଛି ଦିନ ହେବ ରାଜ୍ୟରେ ଗ୍ରୀଷ୍ମ ପ୍ରବାହ ଯୋଗୁଁ ଅସହ୍ୟ ଗରମ ଓ ଗୁଳୁଗୁଳିରେ ଆଉଟୁପାଉଟୁ ହେଉଛନ୍ତି ରାଜ୍ୟବାସୀ ।
