ବାଙ୍କୀ: କାହିଁକି ଜୀବନ ହାରିଲେ ନବ ଦମ୍ପତି ? ତଦନ୍ତ କରୁଛି ପୋଲିସ
ବିବାହର ୬ ମାସ ପରେ କାହିଁକି ଜୀବନ ହାରିଲେ? ଅପମୃତ୍ୟୁ ମାମଲା ରୁଜୁ କରି ଅଧିକ ଖୋଳତାଡ କରୁଛି ବାଙ୍କୀ ଥାନା ପୋଲିସ । ମୃତକ ହେଲେ ଭେଡା ରାମଚନ୍ଦ୍ରପୁର ଗାଁର ଲକ୍ଷ୍ମୀଧର ସାହୁ ଓ ସ୍ତ୍ରୀ ନିରୁପମା ସାହୁ ।
ବାଙ୍କୀ(କେନ୍ୟୁଜ୍): କଟକ ଜିଲ୍ଲା ବାଙ୍କୀ ଅଞ୍ଚଳରେ କାହିଁକି ଜୀବନ ହାରିଲେ ନବ ଦମ୍ପତି ? ବିବାହର ୬ ମାସ ପରେ ଆତ୍ମହତ୍ୟା କଲେ କାହିଁକି ? ଅପମୃତ୍ୟୁ ମାମଲା ରୁଜୁ କରି ଅଧିକ ଖୋଳତାଡ କରୁଛି ବାଙ୍କୀ ଥାନା ପୋଲିସ । ମୃତକ ହେଲେ ଭେଡା ରାମଚନ୍ଦ୍ରପୁର ଗାଁର ଲକ୍ଷ୍ମୀଧର ସାହୁ ଓ ସ୍ତ୍ରୀ ନିରୁପମା ସାହୁ ।
ଆଜି ସକାଳେ ଘର ଭିତରୁ ଝୁଲନ୍ତା ଅବସ୍ଥାରେ ଦୁଇ ଜଣଙ୍କର ମୃତଦେହ ଉଦ୍ଧାର ହୋଇଥିଲା । ଲକ୍ଷ୍ମୀଧର ଭୁବନେଶ୍ବରରେ ଏକ ମିଠା ଦୋକାନରେ କାମ କରୁଥିଲେ। ଗତକାଲି ସେ ଗାଁକୁ ଆସିଥିଲେ। ଆଜି ସକାଳୁ ଉଭୟଙ୍କ ମୃତଦେହ ଝୁଲୁଥିବା ଦେଖିଥିଲେ ପରିବାର ଲୋକ। କଣ ପାଇଁ ଦୁଇ ଜଣ ଏପରି ଚରମ ପଦକ୍ଷେପ ନେଲେ କାରଣ ଅସ୍ପଷ୍ଟ ରହିଛି।
