ଅସୁରକ୍ଷିତ ରାଜଧାନୀ, ଶିଶୁଭବନ ରାଜରାସ୍ତାରେ ଯୁବକଙ୍କୁ ପଥରରେ ଛେଚି ହତ୍ୟା
କେନ୍ୟୁଜ୍(ବ୍ୟୁରୋ): ଅସୁରକ୍ଷିତ ହୋଇପଡିଛି ରାଜଧାନୀ ଭୁବନେଶ୍ବର । ସପ୍ତାହ ମଧ୍ୟରେ ଦୁଇ ଦୁଇଟି ଜଘନ୍ୟ ହତ୍ୟାକାଣ୍ଡ ଘଟିଗଲାଣି । ଗତ ରବିବାର ଦିନ ହୋଟେଲ ଗ୍ରାଣ୍ଡ ସ୍ବସ୍ତୀ ପଛ ପାର୍ଶ୍ବରେ ଜଣେ ବ୍ୟକ୍ତିଙ୍କୁ ପଥରରେ ଛେଚି ଛେଚି ହତ୍ୟା କରିଥିଲା ଜଣେ ଯୁବକ । ଏହାର ଠିକ ୭ ଦିନ ଭିତରେ ରାଜଧାନୀର ଶିଶୁ ଭବନରୁ ରାଜମହଲ ଯିବା ରାସ୍ତାରେ ପୁଣି ଏକ ଜଘନ୍ୟ ହତ୍ୟାକାଣ୍ଡ ଘଟିଛି।
ଜଣେ ଯୁବକଙ୍କୁ ପଥର ରେ ଛେଚି ଛେଚି ହତ୍ୟା କରିଛି ଆଉ ଜଣେ ଯୁବକ। ମ୍ତ ଯୁବକଙ୍କ ପରିଚୟ ମିଳିପାରି ନାହିଁ । ଏହି ହତ୍ୟା ମାମଲାରେ ଥାନାରେ ଜଣେ ଯୁବକକୁ ଅଟକ ରଖାଯାଇଛି। ଘଟଣା ସ୍ଥଳରେ କ୍ୟାପିଟାଲ ଥାନା ପୋଲିସ । ମୃତ ଦେହକୁ ବ୍ୟବଛେଦ ପାଇଁ ପଠାଇବା ସହ ଅଧିକ ତଦନ୍ତ ଜାରି ରଖିଛି।
