ଏବେ ବରିଷ୍ଠ ନାଗରିକ ଓ ଦିବ୍ୟାଙ୍ଗଙ୍କୁ ମିଳିବ ଡୋରଷ୍ଟେପ ବ୍ୟାକିଂ ସୁବିଧା
ଅନେକ ବ୍ୟାଙ୍କ ଡୋରଷ୍ଟେପ୍ ବ୍ୟାଙ୍କିଙ୍ଗ୍ ସୁବିଧା ପ୍ରଦାନ କରୁଛନ୍ତି, ଯେଉଁଥିରେ କ୍ୟାଶ ପିକ୍ଅପ ଠାରୁ ଆରମ୍ଭ କରି କ୍ୟାଶ ଡ୍ରପ୍ ଏବଂ ଘରୁ ଚେକ୍ ସଂଗ୍ରହ କରିବାର ସୁବିଧା ଅନ୍ତର୍ଭୁକ୍ତ ରହିଛି। ବରିଷ୍ଠ ନାଗରିକଙ୍କଠାରୁ ନେଇ ଦିବ୍ୟାଙ୍ଗଙ୍କ ପର୍ଯ୍ୟନ୍ତ ସମସ୍ତଙ୍କୁ ବ୍ୟାଙ୍କ ଡୋରଷ୍ଟେପ ବ୍ୟାଙ୍କିଙ୍ଗ୍ ସୁବିଧା ଯୋଗାଉଛନ୍ତି।
ଆଜିକାଲି ବ୍ୟାଙ୍କଗୁଡିକ ନିଜର ବରିଷ୍ଠ ନାଗରିକ ଆକାଉଣ୍ଟଧାରୀଙ୍କ ନିକଟକୁ SMS ପଠାଇ ଡୋରଷ୍ଟେପ୍ ବ୍ୟାଙ୍କିଙ୍ଗ୍ ସମ୍ବନ୍ଧୀୟ ବାର୍ତ୍ତା ଦେଉଛନ୍ତି। ଏହି ବାର୍ତ୍ତାଗୁଡ଼ିକରେ ଲେଖା ଯାଇଛି ଯେ ‘ଆପଣଙ୍କୁ ବ୍ୟାଙ୍କ ଶାଖା ଆସିବାର କ’ଣ ଆବଶ୍ୟକ ଅଛି, ଯେତେବେଳେ କି, ଶାଖା ନିଜେ ଆପଣଙ୍କ ଘରକୁ ଆସିବାକୁ ପ୍ରସ୍ତୁତ ଅଛି। ବାସ୍ତବରେ, ଅନେକ ବ୍ୟାଙ୍କ ଡୋରଷ୍ଟେପ୍ ବ୍ୟାଙ୍କିଙ୍ଗ୍ ସୁବିଧା ପ୍ରଦାନ କରୁଛନ୍ତି, ଯେଉଁଥିରେ କ୍ୟାଶ ପିକ୍ଅପଠାରୁ ଆରମ୍ଭ କରି କ୍ୟାଶ ଡ୍ରପ୍ ଏବଂ ଘରୁ ଚେକ୍ ସଂଗ୍ରହ କରିବାର ସୁବିଧା ଅନ୍ତର୍ଭୁକ୍ତ ରହିଛି। ବରିଷ୍ଠ ନାଗରିକଙ୍କଠାରୁ ନେଇ ଦିବ୍ୟାଙ୍ଗଙ୍କ ପର୍ଯ୍ୟନ୍ତ, ସମସ୍ତଙ୍କୁ ବ୍ୟାଙ୍କଗୁଡିକ ଡୋରଷ୍ଟେପ ବ୍ୟାଙ୍କିଙ୍ଗ୍ ସୁବିଧା ଯୋଗାଉଛନ୍ତି। କିନ୍ତୁ ଆଜି ଆମେ ଆପଣଙ୍କୁ କହିବୁ କେଉଁ କେଉଁ ବ୍ୟାଙ୍କ ଡୋରଷ୍ଟେପ ବ୍ୟାଙ୍କିଙ୍ଗ ସୁବିଧା ଯୋଗାଉଛନ୍ତି ଏବଂ ଏହି ସୁବିଧା ପାଇଁ କେତେ ଚାର୍ଜ କରୁଛନ୍ତି।
ଏସବିଆଇ:
ଏସବିଆଇ ଆକାଉଣ୍ଟଧାରୀମାନେ ନିଜ ହୋମ୍ ଶାଖାରେ ଡୋରଷ୍ଟେପ ବ୍ୟାଙ୍କିଙ୍ଗ ପାଇଁ ଅନୁରୋଧ କରି ପାରିବେ। ଏସବିଆଇ ଅଣ-ଆର୍ଥିକ କାରବାର ଉପରେ ଏକ ଭିଜିଟ୍ ପାଇଁ ୬୦ ଟଙ୍କା + GST ଚାର୍ଜ କରିଥାଏ। ସେଠି ଆର୍ଥିକ କାରବାର ପାଇଁ ୧୦୦ ଟଙ୍କା + GST ଦେବାକୁ ପଡିବ। ନଗଦ ଉଠାଣ କିମ୍ବା ଜମା ସୀମା ପ୍ରତିଦିନ ୨୦,୦୦୦ ଟଙ୍କା ରହିଛି। ଏହି ସେବାକୁ ଯେତେ ଜଲ୍ଦି ପ୍ରଦାନ କରିବାର ବ୍ୟବସ୍ଥା ଅଛି, କିନ୍ତୁ ଟ୍ରାଞ୍ଜାକ୍ସନ ବ୍ୟକ୍ତିଙ୍କୁ ଛାଡ଼ି ଦେଲେ ଗୋଟିଏ ଦିନରୁ ଅଧିକ (T + 1) ବିଳମ୍ବ ହେବା ଉଚିତ୍ ନୁହେଁ।
ପଞ୍ଜାବ ନ୍ୟାସନାଲ ବ୍ୟାଙ୍କ:
୭୦ ବର୍ଷରୁ ଅଧିକ ବୟସର ବରିଷ୍ଠ ନାଗରିକ ଏବଂ ଦିବ୍ୟାଙ୍ଗ PNBର ଡୋରଷ୍ଟେପ ବ୍ୟାଙ୍କିଙ୍ଗର ଲାଭ ଉଠାଇ ପାରିବେ। PNB ବ୍ୟାଙ୍କ ଶାଖାର ୫ କିମି ଭିତରେ ନିଜ ଆକାଉଣ୍ଟଧାରୀମାନଙ୍କୁ ଏହି ସୁବିଧା ପ୍ରଦାନ କରିଥାଏ। PNB ଆର୍ଥିକ କାରବାର ପାଇଁ ୧୦୦ ଟଙ୍କା + GST ଡୋରଷ୍ଟେପ ବ୍ୟାଙ୍କିଙ୍ଗ ଲାଗି ଚାର୍ଜ କରିଥାଏ।
କୋଟାକ୍ ମହିନ୍ଦ୍ରା ବ୍ୟାଙ୍କ:
କୋଟାକ୍ ମହିନ୍ଦ୍ରା ବ୍ୟାଙ୍କ ୬୦ ବର୍ଷରୁ ଊର୍ଦ୍ଧ୍ୱ ବରିଷ୍ଠ ନାଗରିକ ଏବଂ ଦିବ୍ୟାଙ୍ଗଙ୍କୁ ଡୋରଷ୍ଟେପ ବ୍ୟାଙ୍କିଙ୍ଗ୍ ସୁବିଧା ଯୋଗାଇଥାଏ। ଏହି ସୁବିଧା କେବଳ ଆକ୍ଟିଭ ସେଭିଙ୍ଗ୍ ଆକାଉଣ୍ଟ ଗ୍ରାହକଙ୍କ ପାଇଁ ଉପଲବ୍ଧ ରହିଛି। ଏଥି ସହିତ ଏହି ସୁବିଧା କେବଳ ବ୍ୟାଙ୍କରେ ପଞ୍ଜୀକୃତ ହୋଇଥିବା ଘର ଠିକଣାରେ ହିଁ ଦିଆଯାଇଥାଏ।
