ଲଞ୍ଚ ହେଲା ‘ଫ୍ଲିପକାର୍ଟ UPI’ ସର୍ଭିସ, ଏବେ ଫ୍ଲିପକାର୍ଟରୁ ବି କରିପାରିବେ ୟୁପିଆଇ ପେମେଣ୍ଟ
ଅନଲାଇନ୍ ସପିଂ ପ୍ଲାଟଫର୍ମ ଫ୍ଲିପକାର୍ଟ ନିଜର UPI ସର୍ଭିସ 'ଫ୍ଲିପକାର୍ଟ UPI' ଲଞ୍ଚ କରିଛି । ଇ-କମର୍ସ କମ୍ପାନୀ ଆକ୍ସିସ୍ ବ୍ୟାଙ୍କ ସହଯୋଗରେ ଏହି ସର୍ଭିସ ଆରମ୍ଭ କରିଛି । ବର୍ତ୍ତମାନ, ଏହି ସର୍ଭିସ କେବଳ ଆଣ୍ଡ୍ରଏଡ୍ ୟୁଜରଙ୍କ ପାଇଁ ଜାରି ହୋଇଛି ।
ଅନଲାଇନ୍ ସପିଂ ପ୍ଲାଟଫର୍ମ ଫ୍ଲିପକାର୍ଟ ନିଜର UPI ସର୍ଭିସ ‘ଫ୍ଲିପକାର୍ଟ UPI’ ଲଞ୍ଚ କରିଛି । ଇ-କମର୍ସ କମ୍ପାନୀ ଆକ୍ସିସ୍ ବ୍ୟାଙ୍କ ସହଯୋଗରେ ଏହି ସର୍ଭିସ ଆରମ୍ଭ କରିଛି । ବର୍ତ୍ତମାନ, ଏହି ସର୍ଭିସ କେବଳ ଆଣ୍ଡ୍ରଏଡ୍ ୟୁଜରଙ୍କ ପାଇଁ ଜାରି ହୋଇଛି । ଫ୍ଲିପକାର୍ଟ ୟୁପିଆଇରେ ସୁପରକଏନ୍, କ୍ୟାସବ୍ୟାକ୍, ମାଇଲଷ୍ଟୋନ୍ ବେନିଫିଟସ ଏବଂ ବ୍ରାଣ୍ଡ ଭାଉଚର୍ ଭଳି ସୁବିଧା ଉପଲବ୍ଧ ହେବ । ଗତ ବର୍ଷ ଠାରୁ କମ୍ପାନୀ ଏହାର UPI ସର୍ଭିସ ଟେଷ୍ଟ କରୁଥିଲା । ବର୍ତ୍ତମାନ ଏହା ସାଧାରଣ ଲୋକଙ୍କ ପାଇଁ ଆରମ୍ଭ କରାଯାଇଛି ।
ଫ୍ଲିପକାର୍ଟ ୟୁଜରଙ୍କ ପାଇଁ ନୂତନ UPI ସର୍ଭିସ ଅତ୍ୟନ୍ତ ଲାଭଦାୟକ ହେବ । ଫ୍ଲିପକାର୍ଟରେ ସପିଂ କରିବାବେଳେ ସେମାନଙ୍କୁ ପେମେଣ୍ଟ ଦେବାକୁ ଅନ୍ୟ ଆପ୍ଲିକେସନକୁ ଯିବାକୁ ପଡିବ ନାହିଁ । ୟୁଜରଙ୍କୁ ନିଜର UPI ସର୍ଭିସ ଯୋଗାଇବା ଇ-କମର୍ସ ପ୍ଲାଟଫର୍ମ କମ୍ପାନୀ ପାଇଁ ଏହା ଏକ ବଡ ପଦକ୍ଷେପ । ଫ୍ଲିପକାର୍ଟ UPI ଆସିବା ଯୋଗୁଁ ପୂର୍ବରୁ ମାର୍କେଟରେ ଉପସ୍ଥିତ ଗୁଗୁଲ୍ ପେ ଏବଂ ଫୋନ୍ ପେ ଭଳି କମ୍ପାନୀଗୁଡିକର ସମସ୍ୟା ବଢିପାରେ । ୟୁପିଆଇ ସର୍ଭିସ ଡେଭଲପ କରୁଥିବା ସଂଗଠନ ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ (NPCI) ମଧ୍ୟ କିଛି କମ୍ପାନୀ ଉପରେ UPI ର ନିର୍ଭରଶୀଳତା କମ କରିବାକୁ ଚେଷ୍ଟା କରୁଛି ।
ଫ୍ଲିପକାର୍ଟ କହିଛି ଯେ ୟୁପିଆଇ ପେମେଣ୍ଟ ମାଧ୍ୟମରେ ଗ୍ରାହକମାନେ ଫ୍ଲିପକାର୍ଟ ମାର୍କେଟରେ ଅନଲାଇନ୍ ଏବଂ ଅଫଲାଇନ୍ ମର୍ଚାଣ୍ଟ ଟ୍ରାଞ୍ଜାକ୍ସନର ଲାଭ ପାଇପାରିବେ । ଏବେ କେବଳ ଆଣ୍ଡ୍ରଏଡ୍ ୟୁଜରମାନେ ହିଁ ଫ୍ଲିପକାର୍ଟ UPI ବ୍ୟବହାର କରିପାରିବେ । ବର୍ତ୍ତମାନ କମ୍ପାନୀ ଆଇଫୋନ୍ ୟୁଜରଙ୍କ ପାଇଁ ଏହି ସର୍ଭିସ ଜାରି କରିନାହିଁ । ଫ୍ଲିପକାର୍ଟର ଏହି ନୂତନ ସର୍ଭିସ କ୍ଲାଉଡ୍ ବେସ୍ଡ, ଯାହା ଲୋକମାନଙ୍କୁ ଏକ ଜବରଦସ୍ତ ଏକ୍ସପେରିଏନ୍ସ ଦେବ ।
