ପରୀକ୍ଷାରେ ହାଇଟେକ ନକଲି। କପି ମାମଲାରେ ସବୁଠାରୁ ସୁରକ୍ଷିତ ବୋଲି ଧରାଯାଉଥିବା ଅନଲାଇନ୍ ପରୀକ୍ଷାକୁ ଜଣେ ଯୁବକ ଭୁଲ ବୋଲି ପ୍ରମାଣିତ କରିଛନ୍ତି। ଘଟଣାଟି ହେଉଛି ଜେବିଆଇଟିରେ ହୋଇଥିବା ଅନଲାଇନ୍ ଭର୍ତ୍ତୀ ପରୀକ୍ଷା। କପି କରିବାର ଏହି ଅଭିନବ ଉପାୟରେ ପରୀକ୍ଷା ଆୟୋଜକଙ୍କ ସମେତ ପୋଲିସ ମଧ୍ୟ ଆଶ୍ଚର୍ଯ୍ୟ ହୋଇଗଲେ। ପରୀକ୍ଷା କରାଉଥିବା ତାମିଲନାଡୁ କମ୍ପାନୀ ଏହି ଯୁବକଙ୍କ ବିରୋଧରେ ଅଭିଯୋଗ କରିଛନ୍ତି। ପୋଲିସ, ଅଭିଯୋଗ ମୁତାବକ ମାମଲାର ଯାଞ୍ଚ ଆରମ୍ଭ କରିସାରିଛି।
ଜେବିଆଇଟି ନେବୀର ନୌସୈନିକ ଭର୍ତ୍ତି ପାଇଁ ଅନଲାଇନ ମାଧ୍ୟମରେ ପରୀକ୍ଷା ହେଉଥିଲା। ତେବେ ଏହି ପରୀକ୍ଷାରେ ଜଣେ ପରୀକ୍ଷାର୍ଥୀ ନିଜର କମ୍ପ୍ୟୁଟର ରିମୋଟ ଟେକନିକ ସାହାଯ୍ୟରେ ହ୍ୟାକ କରିନେଲେ। ଯେମିତି ପରୀକ୍ଷା ଆରମ୍ଭ ହୋଇଛି ପରୀକ୍ଷାର୍ଥୀଙ୍କ ସିଷ୍ଟମ ବାହାରରୁ ଅପଡେଟ ହେବାକୁ ଲାଗିଲା।
ବିନା ମାଉସରେ ହାତ ଲଗାଇ ପ୍ରଶ୍ନର ଉତ୍ତରରେ କ୍ଲିକ ହେବାକୁ ଲାଗିଲା। ଗୋଟିଏ ପରେ ଗୋଟିଏ ପ୍ରଶ୍ନର ଉତ୍ତର ଆପେ ଆପେ ସଲଭ୍ ହୋଇଯିବା ଦେଖି ପରୀକ୍ଷା କେନ୍ଦ୍ରର ଅବଜର୍ବରଙ୍କ କାନ ଗରମ ଛିଡା ହୋଇଗଲା। ତାଙ୍କୁ ସନ୍ଦେହ ହେବାରୁ ସେ ପରୀକ୍ଷାର୍ଥୀଙ୍କ ଉପରେ ନଜର ରଖିଲେ, ଏହାପରେ ତାଙ୍କୁ ପୂରା ମାମଲା ଜଣାପଡିଲା। ସେ ଜାଣିବାକୁ ପାଇଲେ ଯେ ପରୀକ୍ଷାର୍ଥୀଙ୍କ କମ୍ପ୍ୟୁଟର ବାହାରରୁ ରିମୋଟ ଟେକନିକ ଦ୍ୱାରା ଅପରେଟ ହେଉଥିଲା।
ନିଶ୍ଚିତ ପଢନ୍ତୁ : ଗୁଗଲରେ ସର୍ଚ୍ଚ କରୁଛନ୍ତି କି କଷ୍ଟମର କେୟାର ନମ୍ବର, ତେବେ ସାବଧାନ ! ଖାଲି ହୋଇଯିବ ଆପଣଙ୍କ ବ୍ୟାଙ୍କ୍ ଆକାଉଣ୍ଟ
ଏମିତି କଲେ କମ୍ପ୍ୟୁଟର ହ୍ୟାକ୍
ବାହାରେ ବସିଥିବା ଅନ୍ୟ ଜଣେ ବ୍ୟକ୍ତି କମ୍ପ୍ୟୁଟର ଉପରେ ପ୍ରଶ୍ନ ଦେଖି ତାହାର ଉତ୍ତର ପୂରଣ କରୁଥିଲେ। ପୋଲିସ ସୂତ୍ରରୁ ଜଣାପଡିଛି ଯେ ପ୍ରଥମେ ଏହି ପୂରା ମାମଲାକୁ ପରୀକ୍ଷା କେନ୍ଦ୍ରର ଅବଜର୍ବର ଜାଣିବାକୁ ପାଇଲେ। ଏହାର ସୂଚନା ସେ ଦିଲ୍ଲୀ ମୁଖ୍ୟାଳୟକୁ ପଠାଇଛନ୍ତି। ଅଭିଯୁକ୍ତ ଜଣଙ୍କ ନାବାଳକ ଏବଂ ତାଙ୍କ ବିରୁଦ୍ଧରେ ମାମଲା ରୁଜୁ କରାଯାଇଛି।
ଆପଣଙ୍କୁ ଜଣାଇବାକୁ ଚାହିଁବୁ ଯେ ସବୁ କମ୍ପ୍ୟୁଟରରେ କମ୍ପ୍ୟୁଟର ଆସିଷ୍ଟାଣ୍ଟ ଆପ୍ଲିକେସନ ରହିଥାଏ। ଏହି ଆପ୍ଲିକେସନ ସାହାଯ୍ୟରେ କମ୍ପ୍ୟୁଟରକୁ କେଉଁଠାରୁ ବି ବସି ରିମୋଟ ଚଲାଇପାରିବେ। ଏଥିରେ କମ୍ପ୍ୟୁଟରର ଆଇପି ଆଡ୍ରେସ ଏବଂ ପାସଓ୍ଵାର୍ଡ ବାହାର ଥିବା ବ୍ୟକ୍ତିଙ୍କୁ କୁହାଯାଇଥାଏ। ଏହା ପାଇବା ପରେ ବାହାରେ ଥିବା ବ୍ୟକ୍ତି ସିଷ୍ଟମକୁ ଅପରେଟ କରିପାରିବେ।