ଇନଷ୍ଟାଗ୍ରାମ୍ ବ୍ୟବହାରକାରୀଙ୍କ ପାଇଁ ଲାଗୁ ହେଲା ନୂଆ ନିୟମ। ବିନା ପାଉଣାରେ ଇନ୍ଷ୍ଟା ଆକାଉଣ୍ଟ ଚଲେଇପାରିବେ ନାହିଁ ୟୁଜର୍ସ । କାରଣ ଇନଷ୍ଟାଗ୍ରାମ ଏକ ନୂତନ ସବସ୍କ୍ରିପସନ୍ ବୈଶିଷ୍ଟ୍ୟ ଉପରେ କାମ କରୁଛି। ଏହା ଅଧୀନରେ ଉପଭୋକ୍ତାମାନଙ୍କୁ କଣ୍ଟେଣ୍ଟ ଆକ୍ସେସ୍ କରିବା ପାଇଁ ବ୍ୟବହାରକାରୀଙ୍କୁ ପ୍ରତିମାସରେ ୮୯ ଟଙ୍କା ଦେବାକୁ ପଡିବ। ତେବେ ଏ ବାବଦରେ ଏହି ସୋସିଆଲ ମିଡିଆ ତରଫରୁ ଔପଚାରିକ ଭାବେ କିଛି ଘୋଷଣା କରାଯାଇ ନାହିଁ ।
ଇନ୍ଷ୍ଟାଗ୍ରାମରେ ମନିଟାଇଜେସନ(monetization) ବଢ଼ାଇବା ପାଇଁ ଏହି ସବ୍ସ୍କ୍ରିପ୍ସନ୍ ଫିଚର ଅଣାଯିବ । ତେବେ ପ୍ରିମିୟମ କଣ୍ଟେଣ୍ଟ୍ ଦେଖିବାକୁ ୟୁଜରଙ୍କୁ ଏହି ସବ୍ସ୍କ୍ରିପ୍ସନ୍ ନେବାକୁ ହେବ । ଏହାଦ୍ବାରା ଇନ୍ଷ୍ଟାଗ୍ରାମ କ୍ରିଏଟରମାନଙ୍କୁ ଅଧିକ ଲାଭ ହେବ ।
ଟେକ୍ କୁଞ୍ଚର ଏକ ରିପୋର୍ଟ ଅନୁଯାୟୀ, ଇନଷ୍ଟାଗ୍ରାମ ସବସ୍କ୍ରିପସନ୍ ଆପଲ୍ ଆପ୍ ଷ୍ଟୋର୍ରେ ଏକ ଇନ୍-ଆପ୍ କ୍ରୟ ଭାବରେ ତାଲିକାଭୁକ୍ତ ହୋଇଛି। ଏଥିପାଇଁ ଏକ ଇନଷ୍ଟାଗ୍ରାମ ସବସ୍କ୍ରିପସନ୍ ବର୍ଗ ମଧ୍ଯ ସୃଷ୍ଟି କରାଯାଇଛି। ବର୍ତ୍ତମାନ, ଏଥିପାଇଁ ମାସିକ ଚାର୍ଜ ୮୯ ଟଙ୍କା ଦିଆଯାଉଛି। ୮୯ ଟଙ୍କା ଆରମ୍ଭ ହୋଇ ଏହର ସବ୍ସ୍କ୍ରିପ୍ସନ୍ ଚାର୍ଜ ୪୪୯ ଟଙ୍କା ପର୍ଯ୍ୟନ୍ତ ରହିବ । ଯେତେବେଳେ ଏହା ଉପଭୋକ୍ତାମାନଙ୍କ ନିକଟକୁ ଅଣାଯିବ, ସେତେବେଳେ ଏଥିରେ ପରିବର୍ତ୍ତନ ମଧ୍ୟ କରାଯାଇପାରେ।