ଫେସବୁକ ଲଞ୍ଚ କଲା ନୂଆ ସଫ୍ଟୱେୟାର, ଏବେ ପ୍ରାୟତଃ ସବୁ ଭାଷାକୁ ଆପଣ କରିପାରିବେ ଇଂରାଜୀରେ ଟ୍ରାନ୍ସଲେଟ
ଫେସବୁକ ୧୦୦ ଟି ଭାଷାକୁ ଇଂରାଜୀରେ ଅନୁବାଦ କରିବାରେ ସକ୍ଷମ ଏକ ମେସିନ୍ ଲର୍ନିଂ ଆଧାରିତ ସଫ୍ଟୱେୟାର ଲଞ୍ଚ କରିଛି । ଫେସବୁକ୍ ଦାବି କରିଛି ଯେ ଏହା ଦୁନିଆର ପ୍ରଥମ ସଫ୍ଟୱେର୍ ଯାହା ୧୦୦ ଟି ଭାଷାକୁ ଇଂରାଜୀରେ ଅନୁବାଦ କରିପାରିବ । ଫେସବୁକର ଏହି ସଫ୍ଟୱେୟାର ହେଉଛି ଏକ ଓପନ ସୋର୍ସ ଆର୍ଟିଫିସିଆଲ ଇଣ୍ଟେଲିଜେନ୍ସ ସଫ୍ଟୱେୟାର ଯାହାକି 160ରୁ ଅଧିକ ଭାଷାରେ ଥିବା କଣ୍ଟେଣ୍ଟକୁ ସୋସିଆଲ ମିଡିଆରେ ୟୁଜର୍ସଙ୍କ ଭାଷାରେ ଅନୁବାଦ କରିବା ପାଇଁ ପ୍ରସ୍ତୁତ କରାଯାଇଛି ।
ଫେସବୁକର ଏହି ସଫ୍ଟୱେୟାର କମ୍ପାନୀର ଦୁଇ ବିଲିୟନରୁ ଅଧିକ ୟୁଜର୍ସଙ୍କୁ ଉପକୃତ କରିବ। ଏହି ସଫ୍ଟୱେୟାରର ରିସର୍ଚ୍ଚ ଆସିଷ୍ଟାଣ୍ଟ ଆଞ୍ଜେଲା ଫ୍ୟାନଙ୍କ କହିବା ଅନୁଯାୟୀ ଫେସବୁକର ରିସର୍ଚ୍ଚ ଟିମ ଏହି ସଫ୍ଟୱେୟାର ପାଇଁ ବର୍ଷ ବର୍ଷ ଧରି କାର୍ଯ୍ୟ କରିଆସୁଛନ୍ତି । ଫ୍ୟାନମାନେ ଦାବି କରିଛନ୍ତି ଯେ ଏହି ନୂତନ ଉପକରଣ ଅନ୍ୟ ଅନୁବାଦକ ଟୁଲ ଅପେକ୍ଷା ଭଲ ।
ଆଞ୍ଜେଲା ଫ୍ୟାନ୍ ତାଙ୍କ ବ୍ଲଗରେ ଲେଖିଛନ୍ତି ଯେ ଯେତେବେଳେ ଆମେ ଚାଇନିଜରୁ ଫରାସୀକୁ ଅନୁବାଦ କରିବାକୁ ଚାହୁଁ, ଅଧିକାଂଶ ପ୍ଲାଟଫର୍ମରେ ଆମକୁ ଚାଇନିଜରୁ ଇଂରାଜୀ ଏବଂ ପରେ ଇଂରାଜୀରୁ ଫରାସୀକୁ ଅନୁବାଦ କରିବାକୁ ପଡିଥାଏ । କାରଣ ଇଂରାଜୀ ଟ୍ରେଂଡିଙ୍ଗ ଡାଟା ସହଜରେ ଉପଲବ୍ଧ ଥିବାବେଳେ ଆମର ମଡେଲ୍ ଚାଇନିଜରୁ ସିଧାସଳଖ ଫରାସୀକୁ ଅନୁବାଦ କରିଥାଏ ।
ଫେସବୁକ୍ କହିଛି ଯେ ଏହା ପ୍ରତିଦିନ 20 ବିଲିୟନରୁ ଅଧିକ ଅନୁବାଦ କରିବ ଯାହା ଏହାର ନ୍ୟୁଜ୍ ଫିଡରେ ଦେଖାଯାଏ । ଫେସବୁକ୍ ଅନୁବାଦରେ ନୂତନ ଉପକରଣ ସଠିକତା ପ୍ରଦାନ କରିବ । ଫେସବୁକର ଏହି ନୂଆ ଟୁଲର ନାମ Facebook M2M-100 ରଖାଯାଇଛି ।
