ଆଜି ଠାରୁ ଆରମ୍ଭ ହେବ iPhone 13ର ଫ୍ରି-ବୁକିଂ, ଜାଣନ୍ତୁ ଭାରତରେ କେତେ ରହିଛି ଏହାର ଦାମ୍
ଆଜି ଠାରୁ ଭାରତରେ iPhone 13, iPhone 13 Pro, iPhone 13 Pro Max ଏବଂ iPhone 13 mini ଫ୍ରି -ବୁକିଂ ହେବାକୁ ଯାଉଛି। ଏହି ସପ୍ତାହ ଆରମ୍ଭରେ ଆପଲ୍ ଆଇଫୋନ୍ 12 ମଡେଲକୁ ଅପଗ୍ରେଡ୍ ଭାବରେ ଆଇଫୋନ୍ 13 ସିରିଜ୍ ଲଞ୍ଚ କରିଥିଲା । ବର୍ତ୍ତମାନ ଆଇଫୋନ୍ 13 ମିନି ଏବଂ ଆଇଫୋନ୍ 13 ଡୁଆଲ୍ ରିୟର କ୍ୟାମେରା ସହିତ ଆସିଥିବାବେଳେ ଆଇଫୋନ୍ 13 ପ୍ରୋ ଏବଂ ଆଇଫୋନ୍ 13 ପ୍ରୋ ମ୍ୟାକ୍ସ ଟ୍ରିପଲ୍ ରିୟର କ୍ୟାମେରା ସହିତ ଆସିଛି । ଭାରତ ଛଡା ଆଇଫୋନ୍ 13 ସିରିଜ୍ ପାଇଁ ପ୍ରି-ଅର୍ଡର ଅଷ୍ଟ୍ରେଲିଆ, କାନାଡା, ଚୀନ୍, ଜର୍ମାନୀ, ଜାପାନ, ବ୍ରିଟେନ, ଆମେରିକା ଏବଂ ବିଶ୍ୱରେ ୩୦ରୁ ଅଧିକ ଦେଶ ଏବଂ ଅଞ୍ଚଳରେ ଉପଲବ୍ଧ ରହିବ । ପ୍ରଥମ ଥର ପାଇଁ ଆଇଫୋନ୍ ସିରିଜ୍ ଭାରତରେ ବିକ୍ରି ହେବାକୁ ଯାଉଛି ।
Apple ଆଜି ୫:୩୦ ରେ ଆଇଫୋନ୍ 13, ଆଇଫୋନ୍ 13 ପ୍ରୋ, ଆଇଫୋନ୍ 13 ପ୍ରୋ ମ୍ୟାକ୍ସ ଏବଂ ଆଇଫୋନ୍ 13 ମିନି ପାଇଁ ଫ୍ରି -ଅର୍ଡର ଆରମ୍ଭ କରିବ। ଗ୍ରାହକମାନେ ଆପଲ୍ ଅନ୍ଲାଇନ୍ ଷ୍ଟୋର୍ ଏବଂ ଇ-କମର୍ସ ସାଇଟ୍ ତଥା ସାରା ଦେଶରେ ରିଟେଲ ଷ୍ଟୋର୍ ମାଧ୍ୟମରେ ନୂତନ ଆଇଫୋନ୍ ମଡେଲଗୁଡିକୁ ପ୍ରି-ଅର୍ଡର କରିପାରିବେ ।
ଆପଲ୍ ବିତରକ ଇନଗ୍ରାମ ମାକ୍ରୋ ଦେଶର ୩,୨୦୦ ରୁ ଅଧିକ ରିଟେଲ ଆଉଟଲେଟ୍ ମାଧ୍ୟମରେ ଆଇଫୋନ୍ 13 ଏବଂ ଆଇଫୋନ୍ 13 ପ୍ରୋ ମଡେଲଗୁଡିକୁ ରୋଲ୍ କରୁଥିବାବେଳେ ରେଡ୍ଡିଙ୍ଗ ୩୫୦୦ ଲୋକେସନରେ ନୂତନ ମଡେଲଗୁଡିକୁ ଉପସ୍ଥାପନ କରିବାକୁ ଯାଉଛି । ଆମାଜନ ଏବଂ ଫ୍ଲିପକାର୍ଟ ମଧ୍ୟ ନିଜ ନିଜ ସାଇଟରୁ ପ୍ରି-ଅର୍ଡର ନେବା ଆରମ୍ଭ କରିବେ । ନୂତନ ଆଇଫୋନ୍ ମଡେଲଗୁଡିକର ଉପଲବ୍ଧତା ସେପ୍ଟେମ୍ବର ୨୪ ରୁ ଆରମ୍ଭ ହେବ ।
ଭାରତରେ ଆଇଫୋନ୍ 13 ବେସ୍ 128 ଜିବି ଷ୍ଟୋରେଜ୍ ଭାରିଆଣ୍ଟ ମୂଲ୍ୟ ୭୯,୯୦୦ ରୁ ଆରମ୍ଭ ହେଉଛି | ଯେଉଁଠାରେ ଆଇଫୋନ୍ 13 256 ଜିବି ଏବଂ 512 ଜିବି ମଡେଲର ମୂଲ୍ୟ ଯଥାକ୍ରମେ ୮୯,୯୦୦ ଟଙ୍କା ଏବଂ ୧,୦୯,୯୦୦ ଟଙ୍କା ରହିଛି। ଅପରପକ୍ଷେ, ଆଇଫୋନ୍ 13 ପ୍ରୋ ର 128 ଜିବି ଷ୍ଟୋରେଜ୍ ମଡେଲର ମୂଲ୍ୟ ୧,୧୯ ,୯୦୦ ଟଙ୍କା । ଏହାର 256GB ଏବଂ 512GB ଷ୍ଟୋରେଜ୍ ବିକଳ୍ପ ଗୁଡ଼ିକର ମୂଲ୍ୟ ଯଥାକ୍ରମେ ୧,୨୯,୯୦୦ ଏବଂ ୧,୪୮,୯୦୦ ଟଙ୍କା ରହିଛି । ଆଇଫୋନ୍ 13 ପ୍ରୋ ର 1TB ମଡେଲର ମୂଲ୍ୟ ୧,୬୯,୯୦୦ ଟଙ୍କା । ଅନ୍ୟପକ୍ଷରେ, ଆଇଫୋନ୍ 13 ପ୍ରୋ ମ୍ୟାକ୍ସର 128 ଜିବି ଷ୍ଟୋରେଜ୍ ମଡେଲର ମୂଲ୍ୟ୧,୨୯,୯୦୦ ଟଙ୍କା ରହିଛି। ତେଣୁ ଏହାର 256 ଜିବି, 512 ଜିବି ଏବଂ 1 ଟିବି ଷ୍ଟୋରେଜ୍ ମୂଲ୍ୟ ଯଥାକ୍ରମେ ୧ ,୩୯ ,୯୦୦ ୧,୫୯,୯୦୦ ଏବଂ ୧,୭୯,୯୦୦ ଟଙ୍କା ରହିଛି। ଆଇଫୋନ୍ 13 ସିରିଜର ସବୁଠାରୁ କମ ଦାମ ହେଉଛି ଆଇଫୋନ୍ 13 ମିନି, 128GB ଷ୍ଟୋରେଜ୍ ମଡେଲ୍ ପାଇଁ ଏହାର ମୂଲ୍ୟ ୬୯,୯୦୦ ଟଙ୍କା । ଏହାର 256 ଜିବି ଷ୍ଟୋରେଜ୍ ମୂଲ୍ୟ ୭୯,୯୦୦ ଟଙ୍କା ଏବଂ 512 ଜିବି ଷ୍ଟୋରେଜ୍ ହେଉଛି ୯୯,୯୦୦ ଟଙ୍କା ରହିଛି ।
ଆଇଫୋନ୍ 13 ଏବଂ ଆଇଫୋନ୍ 13 ମିନି ବ୍ଲୁ, ଗୋଲାପୀ, ମିଡନାଇଟ୍, ରେଡ୍ ଏବଂ ଷ୍ଟାର ଲାଇଟ୍ ରଙ୍ଗରେ ଆସୁଛି । ଯେତେବେଳେ ଆଇଫୋନ୍ 13 ପ୍ରୋ ମଡେଲରେ ଗୋଲ୍ଡ, ଗ୍ରାଫାଇଟ୍, ସିଆରା ବ୍ଲୁ ଏବଂ ସିଲଭର ରେଡ଼ିସ ରହିଛି । ଗ୍ରାହକମାନେ ଏକ HDFC ବ୍ୟାଙ୍କ କାର୍ଡ ବ୍ୟବହାର କରି Apple Authorised Distributor ମାଧ୍ୟମରେ ଆଇଫୋନ୍ 13 ଏବଂ ଆଇଫୋନ୍ 13 ମିନି ପ୍ରି-ଅର୍ଡର କରନ୍ତି ତେବେ ୟୁଜର୍ସ ମାନେ ୬୦୦୦ ଟଙ୍କା କ୍ୟାସବ୍ୟାକ୍ ପାଇବେ । HDFC ବ୍ୟାଙ୍କ କାର୍ଡ ବ୍ୟବହାର କରି ଆଇଫୋନ୍ 13 ପ୍ରୋ ଏବଂ ଆଇଫୋନ୍ 13 ପ୍ରୋ ମ୍ୟାକ୍ସ କ୍ରୟ ଉପରେ ୫୦୦୦ ରିହାତି ରହିଛି। ଏଥିସହ, ରିଟେଲ ଆଉଟଲେଟ୍ ଗୁଡିକ ରିହାତି ବ୍ୟତୀତ ଏକ୍ସଚେଞ୍ଜ୍ ରିହାତି ପ୍ରଦାନ କରିବେ । ନୂତନ ଆଇଫୋନ୍ ମଡେଲ ତୁଳନାରେ ପୁରୁଣା ହ୍ୟାଣ୍ଡସେଟର ବଦଳ ଉପରେ ୩୦୦୦ ବିନିମୟ ରିହାତି ଉପଲବ୍ଧ ହେବ । ଏହା ବ୍ୟତୀତ ଗ୍ରାହକମାନେ ନୂତନ ଆଇଫୋନ୍ ମଡେଲ କିଣିବା ଉପରେ EMI ବିକଳ୍ପ ପାଇବେ ।
