କୋରିଆ ସ୍ମାର୍ଟଫୋନ କମ୍ପାନୀ ସାମସଙ୍ଗ Galaxy S20 ସିରିଜ ଲଞ୍ଚ କରିବା ପାଇଁ ପ୍ରସ୍ତୁତି ଆରମ୍ଭ କରିଦେଇଛି କିନ୍ତୁ ଲଂଚିଙ୍ଗ ପୂର୍ବରୁ ହିଁ S20 ସ୍ମାର୍ଟଫୋନର ସ୍ପେସିଫିକେସନ ସୋସିଆଲ ମିଡ଼ିଆ ପ୍ଲାଟଫର୍ମରେ ଲିକ ହେବାରେ ଲାଗି । ଯେଉଁଥିରୁ କ୍ୟାମେରା ଓ ଡ଼ିସପ୍ଲେର ସୂଚନା ମିଳୁଛି । ତେବେ ପୂର୍ବରୁ ମଧ୍ୟ ଏହି ଫୋନର ରିପୋର୍ଟ ଲିକ ହୋଇଥିଲା । ଯଦିଓ ସାମସଙ୍ଗ ବର୍ତ୍ତମାନ ପର୍ଯ୍ୟନ୍ତ ଗ୍ୟାଲେକ୍ସି S20 ବିଷୟରେ ସେପରି କିଛି ଘୋଷଣା କରିନାହିଁ । ତେବେ ଆସନ୍ତୁ ଜାଣିବା ସାମସଙ୍ଗ ଗ୍ୟାଲେକ୍ସି S20ର ଫିଚର୍ସ ବିଷୟରେ ।
Samsung Galaxy S20ର ସ୍ପେସିଫିକେସନ
ସୂଚନା ଅନୁଯାୟୀ କମ୍ପାନୀ ଏହି ଫୋନ୍କୁ 5G କନେକ୍ଟିଭିଟି ସହିତ ବଜାରକୁ ଛାଡ଼ୁଛି । ଫିଚର୍ସ କଥା କହିଲେ କମ୍ପାନୀ ଏହି ଫୋନରେ 6.2 ଇଞ୍ଚର ଫାଇଭହୋଲ AMOLED ଡ଼ିସପ୍ଲେ ଦେଇପାରେ । ଯାହାର ରିଜୋଲ୍ୟୁସନ 3200×1440 ପିକ୍ସଲ ରହିବ । ତାସହିତ ଭଲ ପରଫରମାନ୍ସ ପାଇଁ ଏଥିରେ Exynos 990 ମଧ୍ୟ ଦିଆଯିବ ଏବଂ ଏହି ଫୋନ ଆଣ୍ଡ୍ରଏଡ଼ 10 ଉପରେ କାମ କରିବ ।
Samsung Galaxy S20ର କ୍ୟାମେରା
କମ୍ପାନୀ ଏହି ଫୋନରେ ଟ୍ରିପଲ ରିୟର କ୍ୟାମେରା ସେଟଅପ ଦେବ ଯେଉଁଥିରେ 12 ମେଗାପିକ୍ସେଲର ପ୍ରାଇମେରୀ ସେନ୍ସର, 64 ମେଗାପିକ୍ସଲର ଟେଲିଫଟୋ ଲେସ ଏବଂ 12 ମେଗାପିକ୍ସଲର ୱାଇଡ ଆଙ୍ଗଲ ଲେସ ରହିବ । ଏହାସହିତ ୟୁଜର୍ସ ମାନେ 10 ମେଗାପିକ୍ସଲର କ୍ୟାମେରାରେ ବହୁତ ଭଲ ସେଲ୍ଫି କ୍ଲିକ କରିପାରିବେ ।
Samsung Galaxy S20ର ଅନ୍ୟ ଫିଚର୍ସ
ସାମସଙ୍ଗ ଏହି ଫୋନରେ କନେକ୍ଟିଭିଟି ପାଇଁ ବ୍ଲୁଟୁଥ, ୱାଇଫାଇ, ଜିପିଏସ ଏବଂ ୟୁଏସବି ପୋର୍ଟ ଟାଇପ-ସି ଭଳି ଫିଚର୍ସ ଦେବ । ଏହା ବ୍ୟତୀତ ୟୁଜର୍ସମାନଙ୍କୁ ଏହି ଫୋନରେ 4000mAhର ବ୍ୟାଟେରୀ ମଧ୍ୟ ମିଳିବ । ଯାହା ଫାଷ୍ଟ ଚାରଜିଙ୍ଗ ଫିଚର ସହିତ ରହିଛି ।