Smartphoneର ଷ୍ଟୋରେଜ ବଢ଼ାଇବା ପାଇଁ ଡାଉନଲୋଡ଼ କରନ୍ତୁ ଏହି ୫ଟି App
ସମୟର ଗତି ସହିତ ସ୍ମାର୍ଟଫୋନ୍ ବ୍ୟବହାର ବୃଦ୍ଧି ବର୍ତ୍ତମାନ ପାଉଛି । ସ୍ମାର୍ଟଫୋନ୍ କିଣିବାବେଳେ, ଆମେ ଅନେକ ଫିଚର ପ୍ରତି ଧ୍ୟାନ ଦେଇଥାଉ, ସେଥିମଧ୍ୟରୁ ଗୋଟିଏ ହେଉଛି ଫୋନର ଷ୍ଟୋରେଜ୍। ଯଦି ‘ମେମୋରୀ ଫୁଲ୍’ର ନୋଟିଫିକେସନ ଆପଣଙ୍କ ଫୋନରେ ବାରମ୍ବାର ଆସୁଛି, ତେବେ ଆଜି ଆମେ ଆପଣଙ୍କୁ ଏପରି କିଛି ଆପ୍ସର ବିକଳ୍ପ ବିଷୟରେ କହିବାକୁ ଯାଉଛୁ ଯାହାକୁ ଆପଣ ଡାଉନଲୋଡ଼ କରି ଏହି ସମସ୍ୟାରୁ ମୁକ୍ତି ପାଇପାରିବେ ।
AVG ମୋବାଇଲ୍ ଏହି ଆପ୍ ତିଆରି କରିଛି। ଏହି ଆପ୍ ଆପଣଙ୍କୁ କହିବ ଆପଣଙ୍କ ଫୋନରେ କେତେ ପ୍ରତିଶତ ସ୍ପେସ ପୂର୍ଣ୍ଣ ହୋଇଛି ଏବଂ GB ରେ କେତେ ସ୍ପେସ ଉପଲବ୍ଧ ଅଛି। ଯଦି ଆପଣ ଚାହାଁନ୍ତି, ଆପଣ ଏହାକୁ ବିଜ୍ଞାପନ ସହିତ ମାଗଣାରେ ବ୍ୟବହାର କରିପାରିବେ କିମ୍ବା ଅନ୍ୟଥା ଆପଣ ଏହାର ପେଡ୍ ଭର୍ସନ ମଧ୍ୟ କିଣି ପାରିବେ ।
ଗୁଗୁଲ୍ llcର ଫାଇଲ୍ ଆପ୍ ଅନେକ ଫିଚର ସହିତ ସଜ୍ଜିତ। ଏହି ଆପ୍ ମାଧ୍ୟମରେ, ଆପଣ ନିଜ ଫୋନର ଇଣ୍ଟରନାଲ ଏବଂ ଏକ୍ସଣ୍ଡେନଡେ଼ଡ଼ ଷ୍ଟୋରେଜ୍ ବିଷୟରେ ପୃଥକ ଭାବରେ ଜାଣିପାରିବେ। କେଉଁ ଆପ୍ କିମ୍ବା ଫାଇଲ୍ ଆପଣ ଡିଲିଟ୍ କରିପାରିବେ ସେ ସମ୍ବନ୍ଧରେ ଏହି ଆପ୍ ଆପଣଙ୍କୁ ପରାମର୍ଶ ମଧ୍ୟ ଦେଇଥାଏ। ଏଥିରେ ଆପଣ ଆହୁରି ଅନେକ ଫିଚର୍ସ ପାଇପାରିବେ।
ସେଲଟ୍ରି ଗ୍ରୁପର ଏହି ଷ୍ଟୋରେଜ୍ ଆପ୍ କେବଳ ଜଙ୍କ୍ ଫାଇଲ୍ ଡିଲିଟ୍ କରିବାରେ ସାହାଯ୍ୟ କରେ ନାହିଁ, ଏହା ହ୍ଵାଟସ୍ ଆପ୍ ଫାଇଲ୍ ମଧ୍ୟ ସ୍କାନ୍ କରେ ଯାହା ଦ୍ୱାରା ଆପଣଙ୍କ ଅନୁଯାୟୀ ଫାଇଲଗୁଡ଼ିକୁ ସିଲେକ୍ଟ କରି ଡିଲିଟ୍ କରିପାରିବ।
AVG କ୍ଲିନର୍ ପରି, CCleaner ଆପ୍ ମଧ୍ୟ ଆପଣଙ୍କ ଫୋନରେ କେତେ ପ୍ରତିଶତ ସ୍ପେସ ପୂର୍ଣ୍ଣ ହୋଇଛି ଓ GBରେ କେତେ ସ୍ପେସ ଉପଲବ୍ଧ ଅଛି କହିବ। ବିଜ୍ଞାପନ ଅପସାରଣ ପାଇଁ ଆପଣ ଏହାର ପେଡ ଭର୍ସନକୁ ମଧ୍ୟ ବ୍ୟବହାର କରିପାରିବେ।
ଏହି ନର୍ଟନ୍ ଲ୍ୟାବସ୍ ଆପରେ ଲଗ୍ ଇନ୍ କରିବା ପରେ, ଏହା ଆପଣଙ୍କୁ ଫାଇଲଗୁଡ଼ିକୁ ଆକସେସ୍ କରିବାକୁ କହିବ ଏବଂ ତା’ପରେ ଜଙ୍କ୍ ଫାଇଲ୍ ପାଇଁ ସ୍କାନ୍ କରିବ। ଡିଭାଇସ୍ କ୍ଲିନ୍ ହେବା ପରେ, ଏହି ଆପ୍ ଏକ ‘କ୍ଲିନ୍ ଷ୍ଟ୍ରିକ୍’ ଆରମ୍ଭ କରିବ ଯାହା ଆପଣଙ୍କୁ ଆପଣଙ୍କର ଡିଭାଇସର ନିୟମିତ କ୍ଲିନ୍ କରିବା ଟ୍ରାକ୍ କରିବାକୁ ଅନୁମତି ଦେବ।
