ତାଇୱାନର ସ୍ମାର୍ଟଟିଭି ନିର୍ମାତା କମ୍ପାନୀ Diawa ନିଜର 65 ଇଞ୍ଚ ଓ 55 ଇଞ୍ଚ 4k UHD ବିଶିଷ୍ଟର ଦୁଇ ସ୍ମାର୍ଟ ଟିଭି ଖୁବ ଶୀଘ୍ର ଭାରତୀୟ ବଜାରରେ ଲଞ୍ଚ କରିବାକୁ ଯାଉଛି । କମ୍ପାନୀ ତରଫରୁ ଫ୍ରି ସବସ୍କ୍ରିପସନ ସୁବିଧା, ଲାଇଭ ନ୍ୟୁଜ ଷ୍ଟ୍ରିମ ସୁବିଧା ଯୋଗାଇ ଦିଆଯିବା ନେଇ ମଧ୍ୟ ଘୋଷଣା କରାଯାଇଛି । ଏହି ସ୍ୱତନ୍ତ୍ର ଟିଭିରେ ଡୋକୁବେ, ଏପିକ ଅନ, ଅଲଜରଜିରା ନେଟୱର୍କ, ଗେମମ୍ପ୍ଲେକ୍ସ, ଫ୍ଲିକ୍ସଷ୍ଟ୍ରି ଆଗ୍ରାହକ ମାନେ ମାଗଣାରେ ବ୍ୟବହାର କରି ପାରିବେ ବୋଲି ଘୋଷଣା କରିଛନ୍ତି । ଏହି ଦୁଇଟି ଯାକ ଟିଭିରେ ୧୬ ଟି ଭାଷା, ବିଭିନ୍ନ ଜୋନର ୧୦,୦୦୦ରୁ ଅଧିକ ମୁଭିଜ ସହ 1700000+ ରୁ ବି ଅଧିକ ଘଣ୍ଟାର କଣ୍ଟେଣ୍ଟ ସୁବିଧା ମିଳିପାରିବ । ଏହି ସବୁ ସୁବିଧା ମାନ ସହିତ ଏହି ସ୍ମାର୍ଟ ଟିଭିରେ ୨ବର୍ଷ ପର୍ଯ୍ୟନ୍ତର ୱାରେଣ୍ଟି ମଧ୍ୟ ମିଳିପାରିବ ।
ଫିଚର ଦୃଷ୍ଟିରୁ ଦେଖିଲେ ଏହି ଦୁଇଟି ଯାକ ଟିଭିରେ ଆଣ୍ଡ୍ରଏଡ଼ ୯.୦ଟିଭି ଅପରେଟିଙ୍ଗ ସିଷ୍ଟମ ମାନ ମଧ୍ୟ ରହିଛି । ଟିଭିର ଡିଷ୍ପ୍ଲେ ରୀଜୋଲୁସନ 4K UHD (3840x 2160) ପିକସଲ ପର୍ଯ୍ୟନ୍ତ ରହିଛି । ଏହା ସହ ଡିଷ୍ପ୍ଲେ ଟିରେ କ୍ୱାଣ୍ଟମ ଲ୍ୟୁମିନିଟି ଟେକ୍ନୋଲୋଜି ସପୋର୍ଟ ସହ HDR 10ର ସପୋର୍ଟ ବି ରହିଛି । ସାଉଣ୍ଡ କ୍ୱାଲିଟି ପାଇଁ dbx -tv ଅଡ଼ିଓ ଟେକ୍ନୋଲୋଜି ସୁବିଧା ମଧ୍ୟ ଦିଆଯାଇଛି । ଏହା ସହ ବିଲଟ ଇନ ସାଉଣ୍ଡ ବାର ସହିତ ୨୦ ବାଟର ସ୍ପିକର ସୁବିଧା ବି ଦିଆଯାଇଛି ।
ସାଉଣ୍ଡ ବାର ସମେତ ଏଆଇର ସପୋର୍ଟ ବି ମିଳିପାରିବ । ଟିଭି ସହ ହଟଷ୍ଟର, ଜି5, ସୋନି ଲିଭ, ବୁଟ, ସନ ଏନଏକ୍ସଟି, ଜିଓ ସିନେମା, ନେଟଫ୍ଲିକ୍ସ, ପ୍ରାଇମ ଭିଡିଓ ସମେତ ୟୁଟ୍ୟୁବ ଆପ୍ସର ସପୋର୍ଟ ବି ମିଳିପାରିବ । ଟିଭିରେ ରେ A55 କ୍ୱାଡ଼କୋର ପ୍ରୋସେସର, ୨ GB ରାମ, ୧୬GB ରୋମ, ୩
HDMI ପୋର୍ଟସ, ୨USB, ବ୍ବାଇଫାଇ, ଗୋଟେ ଅପ୍ଟିକାଲ ଆଉଟପୁଟ, ବ୍ଲୁ ଟୁଥ କନେକ୍ଟିଭିଟି ସହ ସ୍କ୍ରିନ ମୀରାରିଂ ପାଇଁ ଇ ସେୟାରର ସୁବିଧା ମଧ୍ୟ ମିଳିବ । କମ୍ପାନୀ ତରଫରୁ ୬୫ ଇଞ୍ଚ ଟିଭିର ମୂଲ୍ୟ ୫୧,୯୯୦ଟଙ୍କା ଓ ୫୫ ଇଞ୍ଚ ଟିଭିର ଦର ୩୪,୯୯୦ ଟଙ୍କା ରଖାଯିବା ନେଇ ସ୍ଥିର ହୋଇଛି ।