ଅନେକ ସୋସିଆଲ ମିଡ଼ିଆ ଆପ୍ ଆପଣ ବ୍ୟବହାର କରୁଥିବେ। ତେବେ ଟେଲିଗ୍ରାମ ବ୍ଯବହାର କରୁଥିବେ ନିଶ୍ଚିତ। ଆପଣ ଯଦି ଇନ୍ଷ୍ଟାଣ୍ଟ ଆପ୍ ଟେଲିଗ୍ରାମ ବ୍ଯବହାର କରୁଛନ୍ତି ତେବେ ଆପଣଙ୍କ ପାଇଁ ରହିଛି ଖୁସି ଖବର। ଏହି ମେସେଜିଂ ଆପ୍ ଟେଲିଗ୍ରାମ ଭାରତରେ ଲଞ୍ଚ କରିବ ସବସ୍କ୍ରିପସନ୍ ଆଧାରିତ ସର୍ଭିସ୍।
ଟେଲିଗ୍ରାମ ପ୍ରତିଷ୍ଠାତା ପାଭେଲ ଡୁରୋଭ ନିଜେ ଏହି ସୂଚନା ଦେଇଛନ୍ତି। ଟେଲିଗ୍ରାମ ପ୍ରିମିୟମ ବ୍ୟବହାରକାରୀମାନଙ୍କୁ କିଛି ମାତ୍ରାରେ ରିହାତି ମିଳିବ। ଏହା ବ୍ୟତୀତ ବଡ଼ ମିଡିଆ ଫାଇଲ ଅପଲୋଡ୍ କରିବାର ସୁବିଧା ଉପଲବ୍ଧ ହେବ। ଏକ ବ୍ଲଗ୍ ପୋଷ୍ଟରେ ପାଭେଲ କହିଛନ୍ତି ଯେ ଆମର ରହିଥିବା ଫିଚର ଫ୍ରି ରଖିବାବେଳେ ଆମର ସର୍ବାଧିକ ଚାହିଦା ବ୍ୟବହାରକାରୀଙ୍କୁ ଅଧିକ ସୁବିଧା ଯୋଗାଇବା ପାଇଁ ଏକ ଦେୟଯୁକ୍ତ ସେବା ଆବଶ୍ୟକ। ସିଗନାଲ୍ ଏବଂ ହ୍ୱାଟ୍ସାଆପ୍ ସହିତ ଟେଲିଗ୍ରାମର ସିଧାସଳଖ ପ୍ରତିଯୋଗିତା ଅଛି। ବର୍ତ୍ତମାନ, ଟେଲିଗ୍ରାମର ମାସିକ ସକ୍ରିୟ ଉପଭୋକ୍ତାଙ୍କ ସଂଖ୍ୟା ପ୍ରାୟ ୫୦ କୋଟି। ଟେଲିଗ୍ରାମ ସମଗ୍ର ଦୁନିଆର ଡାଉନଲୋଡ୍ ହୋଇଥିବା ଶ୍ରେଷ୍ଠ ୧୦ ଟି ଆପ୍ ମଧ୍ୟରୁ ଗୋଟିଏ।
କମ୍ପାନୀର ପ୍ରତିଷ୍ଠାତା ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ଏକ ଦେୟଯୁକ୍ତ ସେବାର ଶୁଭାରମ୍ଭ ଅର୍ଥ ନୁହେଁ ଯେ ବିଜ୍ଞାପନ ମାଗଣା ବ୍ୟବହାରକାରୀଙ୍କୁ ଦେଖାଯିବ।ଟେଲିଗ୍ରାମ ବ୍ୟବହାରକାରୀଙ୍କ ପାଇଁ ଟେଲିଗ୍ରାମ ସବୁଦିନ ପାଇଁ ମାଗଣା ରହିବ। କୌଣସି ବିଜ୍ଞାପନ ରହିବା ନାହିଁ, କି ଆଡ୍ ରହିବ ନାହିଁ। ଟେଲିଗ୍ରାମର ଦେୟ ସେବା ସହିତ ଅସୀମିତ କ୍ଲାଉଡ୍ ଷ୍ଟୋରେଜ୍ ସୁବିଧା ଉପଲବ୍ଧ ହେବ। ନୂତନ ଏଡିସନ୍ ସହିତ, ମାଗଣା ଟ୍ୟାଗଲାଇନ୍ ମଧ୍ୟ ହଟା ଯାଇଛି। ଦେୟଯୁକ୍ତ ସେବା ସହିତ ନୂଆ ଏବଂ 3D ଷ୍ଟିକର୍ ମଧ୍ୟ ଉପଲବ୍ଧ ହେବ। ତେବେ ଅପଡେଟେଡ ଫିଚର୍ ସହିତ ଆସିବ ଟେଲିଗ୍ରାମ।