Telegramରେ ଖୁବଶୀଘ୍ର ଲଞ୍ଚ ହେବାକୁ ଯାଉଛି ଭିଡିଓ କଲିଙ୍ଗ ସପୋର୍ଟ, ୟୁଜର୍ସ ମାନେ ଏମିତି କରିପାରିବେ ବ୍ୟବହାର
ଲମ୍ବା ସମୟର ବ୍ୟବଧାନ ପରେ ସୋସିଆଲ ମିଡ଼ିଆ ଇନ୍ଷ୍ଟଣ୍ଟ ମେସେଜିଙ୍ଗ ଆପ ଟେଲିଗ୍ରାମ ଗ୍ରୁପ ଭିଡିଓ କଲିଙ୍ଗ ଫିଚର ଲଞ୍ଚ କରିଛି । ଗତ ବର୍ଷ ଠାରୁ ହିଁ ଏହି ଫିଚର ନେଇ ଚର୍ଚ୍ଚା ହୋଇଆସୁଛି । ଟେଲିଗ୍ରାମର ଏହି ଫିଚରର ଫାଇଦା ମୋବାଇଲ ଓ ଡେସ୍କଟପ ୟୁଜର୍ସ ମାନେ ନେଇ ପାରିବେ । ଟେଲିଗ୍ରାମର ଗ୍ରୁପ ଭିଡିଓ କଲିଙ୍ଗର ଟକ୍କର ଫେସବୁକ ମେସେଞ୍ଜର, ହ୍ୱାଟ୍ସଅପ ଓ ଆପଲ ଫେସଟାଇମ ସହ ହେବ ବୋଲି ଜଣାଯାଇଛି । Telegram ଗ୍ରୁପ ଭିଡିଓ କଲରେ ୟୁଜର୍ସଙ୍କୁ ଆନିମେଟେଡ଼ ବ୍ୟାକ ଗ୍ରାଉଣ୍ଡ ସମେତ ଅନିମେଟଡ଼ ଇମୋଜିର ସପୋର୍ଟ ବି ମିଳିପାରିବ । ଆଉ ଏହି ନୂଆ ଅପଡେଟରେ ସ୍ପେଶାଲ ମେନୁ ବି ଉପଲବ୍ଧ ହେବ ।
Telegramର ଏହି ନୂଆ ଅପଡ଼େଟରେ ଆଉ ଏକ ଫିଚରରେ ଗ୍ରୁପ ଅଡିଓ କଲକୁ ବି ଭିଡିଓ କଲରେ କନଭର୍ଟ କରାଯାଇପାରିବ । ଏଥିପାଇଁ ୟୁଜର୍ସ ମାନେ କ୍ୟାମେରା ଆଇକନ ଉପରେ କ୍ଲିକ କରିବ । ଭିଡିଓ କଲ ଆରମ୍ଭ ହେବା ପରେ କୌଣସି ଏକ ଗ୍ରୁପ ମେମ୍ବରଙ୍କୁ ପିନ କରାଯାଇପାରିବ । ପିନ କରିବା ପରେ ମେମ୍ବରଙ୍କ ଭିଡିଓ ଆପଣଙ୍କ ଫ୍ରଣ୍ଟରେ ଦେଖାଦେବ ।
ଟ୍ୟାବଲେଟ ଓ ଡେସ୍କଟପ ୟୁଜର୍ସ ମାନଙ୍କୁ ଭିଡିଓ କଲ ପାଇଁ ସ୍ପେଶାଲ ସପୋର୍ଟ ମିଳିବ । ଯେଉଁଥି ପାଇଁ ସପ୍ଲିଟ ସ୍କ୍ରିନକୁ ଡିଜାଇନ କରାଯାଇଛି ।ଡେସ୍କଟପ ୟୁଜର୍ସ ମାନେ କୌଣସି ଏକ ପ୍ରୋଗ୍ରାମର ସ୍କ୍ରିନ ଖୁବ ସହଜରେ ସେୟାର କରିପାରିବେ । କହିରଖିବା ଉଚିତ ହେବକି, ଏବେ ଯାଏଁ ଗ୍ରୁପ ଭଏସ କଲରେ ଅତିବେଶୀରେ ୩୦ ଜଣଙ୍କୁ ଆଡ କରାଯାଇ ପାରୁଥିଲା ।
