ଆଜି ଭାରତରେ ଲଞ୍ଚ ହେବାକୁ ଯାଉଛି Vivo X50 ସିରିଜ , ଜାଣନ୍ତୁ କଣ ରହିଛି ଏହାର ସ୍ପେଶାଲ ଫିଚର୍ସ
ସ୍ମାର୍ଟଫୋନ ନିର୍ମାତା କମ୍ପାନୀ ଭିଭୋ (Vivo ) ନିଜ ଲାଟେଷ୍ଟ ଏକ୍ସ 50 ସିରିଜର ଏକ୍ସ 50 ଓ ଏକ୍ସ 50 ପ୍ରକୁ ଆଜି ଭାରତୀୟ ବଜାରରେ ଲଞ୍ଚ କରିବାକୁ ଯାଉଛି । ୟୁଜର୍ସଙ୍କୁ ଏହି ଫୋନରେ 5ଜି କନେକ୍ଟିଭିଟି ସହ ରିୟରରେ ଚାରି ଚାରିଟି କ୍ୟାମେରା ସୁବିଧା ବି ମିଳିପାରିବ । ଏହାବାଦ ଦୁଇଟି ଯାକ ସ୍ମାର୍ଟଫୋନରେ ପାୱାରଫୁଲ ପ୍ରୋସେସର ସୁବିଧା ବି ଦିଆଯାଇଛ । ସାମ୍ନାକୁ ଆସିଥିବା ମିଡ଼ିଆ ରିପୋର୍ଟ ଅନୁଯାୟୀ, ଭିଭୋ ଏକ୍ସ 50 ସିରିଜର ଦର ୪୦,୦୦୦ ରୁ ୫୦,୦୦୦ ଭିତରେ ରଖାଯିବ ବୋଲି ସ୍ଥିର ହୋଇଛି । ଯେବେକି ଏହି ଦୁଇଟି ଉଭୟ ଭିଭୋ ଏକ୍ସ 50 ଓ ଏକ୍ସ 50 ପ୍ର ସ୍ମାର୍ଟଫୋନର ବିକ୍ରି ପାଇଁ ଇ -କମର୍ସ ସାଇଟ ଆମାଜନ ଇଣ୍ଡିଆ ଓ ଫ୍ଲିପକାର୍ଟ ଉପରେ ଉପଲବ୍ଧ କରାଯାଇଛି । ଭିଭୋ ତରଫରୁ ଜାରି ହୋଇଥିବା ଏହି ଦୁଇ ସ୍ମାର୍ଟ ଫୋନରେ ୬.୫୬ ଇଞ୍ଚ ଡିଷ୍ପ୍ଲେ ସୁବିଧା ମିଳିପାରିବ ।
ଏହା ସହ ଏହି ସ୍ମାର୍ଟଫୋନରେ ଏମୋଲେଡ଼ ଡିଷ୍ପ୍ଲେ ପ୍ୟାନେଲ ସୁବିଧା ମଧ୍ୟ ଦିଆଯାଇଛି । ଏହାସହ କମ୍ପାନୀ ଦୁଇ ଫୋନରେ ଭଲ ପରଫରମାନ୍ସ ପାଇଁ କ୍ବାଲକମ ୭୬୫, 5ଜି ଚିପସେଟର ସପୋର୍ଟ ବି ଦିଆଯାଇଛି । ଏହି ଦୁଇ ଡିଭାଇସ ଏଣ୍ଡ୍ରଏଡ଼ ୧୦ ରେ ଆଧାରିତ ଫନଟଚ ଓଏସ ୧୦ ସହାୟତାରେ ହିଁ କାମ କରିଥାଏ । କ୍ୟାମେରା ଦୃସ୍ଟିରୁ ଦେଖିଲେ ୟୁଜର୍ସଙ୍କୁ ଦୁଇ ସ୍ମାର୍ଟଫୋନରେ କୱାଡ କ୍ୟାମେରା ସେଟଅପ ସମେତ ଦୁଇଟି ଯାକରେ ସେନ୍ସର ସୁବିଧା ଦିଆଯାଇଛି । ଏକ୍ସ ୫୦ ସ୍ମାର୍ଟଫୋନରେ ୪୮ ମେଗାପିକସଲ ପ୍ରାଇମେରୀ ସେନ୍ସର, ୧୩ ମେଗାପିକ୍ସଲ ପୋଟ୍ରେଟ ଲେନ୍ସ, ୮ ମେଗାପିକ୍ସଲର ଅଲଟ୍ରା ୱାଇଡ ଆଙ୍ଗଲ ସେନ୍ସ ସମେତ ୫ ମେଗାପିକ୍ସଲ ମାଇକ୍ରୋ ଲେନ୍ସ ସୁବିଧା ଦିଆଯାଇଛି ।
