ଚୀନର ସ୍ମାର୍ଟଫୋନ କମ୍ପାନୀ Xiaomi ନିଜର ପ୍ରଥମ ସ୍ମାର୍ଟୱାଚ ଲାଞ୍ଚ କରିବାକୁ ଯାଉଛି । ନଭେମ୍ବର ୫ ତାରିଖ ବା ମଙ୍ଗଳବାରକୁ ଏହାକୁ ଗ୍ଲୋବାଲ ଲେବୁଲରେ ଲଞ୍ଚ କରାଯିବ ତା ସହିତ ଏହି ସ୍ମାର୍ଟୱାଚର ଅନେକ ଫଟୋ ମଧ୍ୟ ସୋସିଆଲ ମିଡିଆରେ ଜାରି କରାଯାଇଛି । ଏହିସବୁ ଫଟୋରେ ଦେଖାଯାଇଛି ଯେ Xiaomi ସ୍ମାର୍ଟୱାଚର ଡିଜାଇନ ଓ ଲୁକ ଅଧିକାଂଶ ଭାବେ ଆପଲ ସିରିଜ 5 ସ୍ମାର୍ଟୱାଚ ସହିତ ମିଶିଯାଉଛି ।
Xiaomi ସ୍ମାର୍ଟୱାଚର ସମ୍ଭାବିତ ସ୍ପେସିଫିକେସନ
ସୂଚନା ଅନୁଯାୟୀ କମ୍ପାନୀ ଏହି ୱାଚକୁ ନିଜର ସବବ୍ରାଣ୍ଡ MIJIA ସହିତ ମିଶି ପ୍ରସ୍ତୁତ କରୁଛି । ଯଦିଓ ଏହି ୱାଚର ଦର ଓ ଫିଚରକୁ ନେଇ କୌଣସି ଆଧିକାରିକ ସୂଚନା ଦିଆଯାଇନାହିଁ କିନ୍ତୁ ଲଞ୍ଚ ହେବ ପୂର୍ବରୁ ହିଁ Xiaomi ସ୍ମାର୍ଟୱାଚକୁ ନେଇଇ ଅନେକ ରିପୋର୍ଟ ଲିକ ହୋଇସାରିଛି ।
ଏହାସହ ପଢନ୍ତୁ 108MP ପ୍ରାଇମେରୀ କ୍ୟାମେରା ସହ ଲଞ୍ଚ ହେଉଛି Xiaomi Mi CC9 Pro, ମିଳିବ ୪ଟି ଆଡିସନାଲ କ୍ୟାମେରା
ଲିକ ରିପୋର୍ଟ ଅନୁଯାୟୀ ଗ୍ରାହକମାନଙ୍କୁ ଏହି ୱାଚରେ 3D କାର୍ଡ ଗ୍ଲାସ ମିଳିବ । ଏହା ବ୍ୟତୀତ Xiaomi ର ସବବ୍ରାଣ୍ଡ MIJIA ମଧ୍ୟ ଏହି ଡିଭାଇସର ଅନେକ ଫଟୋ ସେୟାର କରିଛି । ଯେଉଁଥିରେ ଏହାର ମୋଟେଇ ଏବଂ ଅନ ଅଫ ବଟନକୁ ଦେଖାଯାଇପାରିବ ।
ସ୍ମାର୍ଟୱାଚରେ ମିଳିବ ଇ-ସିମର ସପୋର୍ଟ
ସୂଚନା ଅନୁଯାୟୀ ଏହି ୱାଚରେ ୟୁଜର୍ସ ମାନଙ୍କୁ ଇ-ସିମର ସପୋର୍ଟ ମଧ୍ୟ ମିଳିବ ଯାହାଦ୍ୱାରା ଅତି ସହଜରେ ଇଣ୍ଟରନେଟ ଆକ୍ସେସ କରାଯାଇ ପାରିବ । ଏହା ବ୍ୟତୀତ କମ୍ପାନୀ ସ୍ମାର୍ଟ ୱାଚରେ ଜିପିଏସ, ୱାଇଫାଇ, ଜୁମ୍ବୋ ବ୍ୟାଟେରୀ ଏବଂ ସ୍ପିକରର ସପୋର୍ଟ ମଧ୍ୟ ଦବ । ଏହାସହିତ ଗ୍ରହମାନଙ୍କ ଆବଶ୍ୟକତାକୁ ଆଖିଆଗରେ ରଖି କମ୍ପାନୀ ଏଥିରେ Qualcomm Snapdragon Wear 3100 SoC ମଧ୍ୟ ଦେଉଛି ।