ଆସାମ ବନ୍ୟା ପୀଡ଼ିତଙ୍କୁ ପୁଣିଥରେ ସାହାଯ୍ୟର ହାତ ବଢ଼ାଇଲେ ଅକ୍ଷୟ କୁମାର, ଦାନ କଲେ ୧ କୋଟି ଟଙ୍କା
ପୁଣିଥରେ ମହାନତା ଦେଖାଇଛନ୍ତି ଖିଲାଡ଼ି କୁମାର। କରୋନା ସମୟରେ ସରକାରୀ ପାଣ୍ଠିକୁ କୋଟି କୋଟି ଟଙ୍କା ଦାନ କରିଥିବା ଅକ୍ଷୟ ଏବେ ପୁଣିଥରେ ବନ୍ୟା ପ୍ରପୀଡ଼ିତଙ୍କୁ ସାହାଯ୍ୟ କରିଛନ୍ତି। ଆସାମ ବନ୍ୟା ପୀଡ଼ିତଙ୍କୁ ରିଲିଫ୍ ଭାବେ ଅକ୍ଷୟ କୁମାର ୧ କୋଟି ଟଙ୍କା ଦାନ କରିଛନ୍ତି। ଏନେଇ ଆସାମର ମୁଖ୍ୟମନ୍ତ୍ରୀ ଟ୍ଵିଟ୍ କରି ଅକ୍ଷୟଙ୍କୁ ଧନ୍ୟବାଦ ଜଣାଇଛନ୍ତି।
Thank you @akshaykumar ji for your kind contribution of ₹1 crore towards Assam flood relief. You have always shown sympathy and support during periods of crisis. As a true friend of Assam, may God shower all blessings to you to carry your glory in the global arena.
— Sarbananda Sonowal (@sarbanandsonwal) August 18, 2020
ଅକ୍ଷୟଙ୍କୁ ପ୍ରଶଂସା କରି ଆସାମର ମୁଖ୍ୟମନ୍ତ୍ରୀ ସର୍ବାନନ୍ଦ ସୋନୋଓ୍ଵାଲ ଟ୍ଵିଟ୍ କରି ଲେଖିଛନ୍ତି ‘ଆସାମ ବନ୍ୟା ପୀଡ଼ିତଙ୍କୁ ୧ କୋଟି ଟଙ୍କା ସାହାଯ୍ୟ କରିଥିବାରୁ ଧନ୍ୟବାଦ ଅକ୍ଷୟ କୁମାର ଜୀ। ଆପଣ ସବୁବେଳେ ବିପଦ ବେଳେ ସାହାଯ୍ୟ କରିଥାନ୍ତି। ଆପଣ ଆସାମର ଜଣେ ପ୍ରକୃତ ବନ୍ଧୁ। ଭଗବାନ ଆପଣଙ୍କର ମଙ୍ଗଳ କରନ୍ତୁ’।
ସୂଚନାଯୋଗ୍ୟ ଯେ ଗତ ବର୍ଷ ବନ୍ୟା ବେଳେ ମଧ୍ୟ ଅକ୍ଷୟ କୁମାର ଆସାମକୁ ୨ କୋଟି ଟଙ୍କା ଦାନ କରିଥିଲେ।
