ଶଙ୍ଖ ଦ୍ୱାରା କରନ୍ତୁ ନବଗ୍ରହଙ୍କୁ ପ୍ରସନ୍ନ, ମିଳିବ ଶୁଭଫଳ
ଧାର୍ମିକ ଶାସ୍ତ୍ର ଏବଂ ଜ୍ୟୋତିଷ ଶାସ୍ତ୍ରରେ ଶଙ୍ଖର ଅତ୍ୟନ୍ତ ମହତ୍ତ୍ୱ ରହିଛି। ଶଙ୍ଖକୁ କୁବେରଙ୍କ ପ୍ରତୀକ ମଧ୍ୟ କୁହାଯାଇଥାଏ । ଆପଣ ଶଙ୍ଖ ପୂଜା କରି ମଧ୍ୟ ପ୍ରତ୍ୟେକ ଦିନ ଅନୁଯାୟୀ ଗ୍ରହର ଅଶୁଭ ପ୍ରଭାବକୁ ଶାନ୍ତ କରିପାରିବେ। ତେବେ ଆସନ୍ତୁ ଜାଣିବା ଶଙ୍ଖ ପୂଜା କରି କିପରି ଗ୍ରହର ଅଶୁଭ ପ୍ରଭାବ ଦୂର କରାଯାଇପାରିବ।
– ସୋମବାର ଦିନ ଶଙ୍ଖରେ କ୍ଷୀର ଭର୍ତ୍ତି କରି ଭଗବାନ ଶଙ୍କରଙ୍କୁ ଅର୍ପଣ କରିବା ଦ୍ୱାରା ଚନ୍ଦ୍ରମା ଠିକ୍ ରହିଥାନ୍ତି।
– ମଙ୍ଗଳବାର ଦିନ ଶଙ୍ଖ ବଜାଇ ସୁନ୍ଦରାକାଣ୍ଡ ପାଠ କରିବା ଦ୍ୱାରା ମଙ୍ଗଳ ଗ୍ରହର କୁପ୍ରଭାବ କମ ହୋଇଥାଏ।
– ବୁଧବାର ଦିନ ଶାଳଗ୍ରାମଙ୍କୁ ଶଙ୍ଖରେ ଜଳ ଏବଂ ତୁଳସୀ ରଖି ଅଭିଷେକ କରିବା ଦ୍ୱାରା ବୁଧ ଗ୍ରହ ଠିକ୍ ରହିଥାନ୍ତି।
– ଶଙ୍ଖ ଉପରେ କେସର ତିଳକ ଲଗାଇ ପୂଜା କରିବା ଦ୍ୱାରା ଭଗବାନ ବିଷ୍ଣୁ ଏବଂ ଗୁରୁ ପ୍ରସନ୍ନ ହୋଇଥାନ୍ତି।
– ସଫା କପଡା ଉପରେ ଶଙ୍ଖ ରଖିବା ଦ୍ୱାରା ଶୁକ୍ର ଗ୍ରହ ବଳବାନ ହୋଇଥାନ୍ତି ।
– ଶଙ୍ଖରେ ଜଳ ଭର୍ତ୍ତି କରି ସୂର୍ଯ୍ୟଦେବଙ୍କୁ ଅର୍ଘ୍ୟ ପ୍ରଦାନ କରିବା ଦ୍ୱାରା ସୂର୍ଯ୍ୟଦେବ ପ୍ରସନ୍ନ ହୋଇଥାନ୍ତି।
– ସେହିଭଳି ଲକ୍ଷ୍ମୀ ପୂଜାରେ ଶଙ୍ଖ ପୂଜା କରିବା ଦ୍ୱାରା ଧନ-ଧ୍ୟାନ୍ୟ ଏବଂ ଐଶ୍ୱର୍ଯ୍ୟ ପ୍ରାପ୍ତି ହୋଇଥାଏ।
