ବିଏସଏନଏଲ ଓ ଏମଟିଏନଏଲର ୯୨ ହଜାର କର୍ମଚାରୀ ନେଲେ ସ୍ୱେଚ୍ଛାକୃତ ଅବସର
ସରକାରୀ ଟେଲିକମ ସଂସ୍ଥା ବିଏସଏନଏଲ, ଏମଟିଏନଏଲ ସଂସ୍ଥାର ୯୨, ୭୦୦ କର୍ମଚାରୀ ମଙ୍ଗଳବାର ସୁଦ୍ଧା ସ୍ୱେଚ୍ଛାକୃତ ଅବସର ନେଇଛନ୍ତି । ଏହା ସହ ମଙ୍ଗଳବାର ଏହି ସଂସ୍ଥା ଦ୍ୱାରା ପରିଚାଳିତ ଏକ ବିଶେଷ ଯୋଜନା ମଧ୍ୟ ବନ୍ଦ ହୋଇଯାଇଛି । ସରକାରଙ୍କ ପ୍ରତ୍ୟକ୍ଷ ତତ୍ୱାବଧାନରେ ଥିବା ଏହି ଦୁଇ ସଂସ୍ଥାର ବରିଷ୍ଠ ଅଧିକାରୀ ମାନେ ଗଣମାଧ୍ୟମକୁ ଏ ସମ୍ପର୍କିତ ସୂଚନା ଦେଇଛନ୍ତି । ବିଏସଏନଏଲର ୭୮, ୩୦୦ କର୍ମଚାରୀ ଓ ଏମଟିଏନଏଲର ୧୪,୩୭୮ କର୍ମଚାରୀ ସ୍ୱେଚ୍ଛାକୃତ ଅବସର ନେଇ ଆବେଦନ କରିଛନ୍ତି । ବିଏସଏନଏଲ ଚେୟାରମ୍ୟାନ ତଥା ପ୍ରବନ୍ଧ ନିର୍ଦ୍ଦେଶକ ପି. କେ ପୁର୍ବାରଙ୍କ ଅନୁଯାୟୀ ଯଦି ଦେଶର ପ୍ରତି ସ୍ଥାନକୁ ଧ୍ୟାନରେ ନିଆଯାଏ ତେବେ ମୋଟ ରୂପରେ ଏହି ସଂସ୍ଥାର ୭୮,୩୦୦ କର୍ମଚାରୀ ଭିଆରଏସ ନେଇ ସାରିଲେଣି ।
ଏହା ସହ ପଢନ୍ତୁ: ପୁଣି ଖସିଲା ଅଭିବୃଦ୍ଧି, ୬ ବର୍ଷରେ ସବୁଠୁ କମ୍ ଦ୍ୱିତୀୟ କ୍ୱାର୍ଟରରେ ଦେଶର ଜିଡିପି ୪.୫%
ଅନ୍ୟ ପକ୍ଷରେ ଏମଟିଏନଏଲ ଚେୟାରମ୍ୟାନ ଓ ପ୍ରବନ୍ଧକ ନିର୍ଦ୍ଦେଶକ ସୁନୀଲ କୁମାରଙ୍କ ଅନୁଯାୟୀ ପିଏସୟୁ ବିଆରଏସ ତୁଳନାରେ ବେଶ ଆଗକୁ ବଢିଯାଇଛି । ସେ ଆହୁରି ମଧ୍ୟ କହିଛନ୍ତି କି ପୂର୍ବରୁ ଆମେ ୧୩, ୬୫୦ କର୍ମଚାରୀଙ୍କ ଭିଆରଏସ ନେଇ ଲକ୍ଷ ରଖିଥିବା ବେଳେ ଏବେ ପର୍ଯ୍ୟନ୍ତ ୧୪, ୩୭୮ କର୍ମଚାରୀ ବିଭିନ୍ନ କାରଣ ଦେଖେଇ ଭିଆରଏସ ନେଇ ସାରିଲେଣି । ଏଥି ଯୋଗୁଁ କମ୍ପାନୀର ବାର୍ଷିକ ବେତନ ବିଲ ୨୨୭୨ କୋଟିରୁ ଖସି ୫୦୦ କୋଟିରେ ପହଂଚି ଯାଇଛି ।
