୬୪ ଲକ୍ଷ ଲୋକଙ୍କୁ EPFO ତରଫରୁ ଉପହାର, ଏବେ ଘରେ ବସି ଜମା କରନ୍ତୁ ଏହି ସାର୍ଟିଫିକେଟ
ଯଦି ଆପଣ କର୍ମଚାରୀ ଭବିଷ୍ୟ ନିଧି ସଂଗଠନ ବା EPFOର ପେନସନ ଭୋଗୀ ତାହେଲେ ଆପଣଙ୍କ ପାଇଁ ଏକ ନୂଆ ସୁବିଧା ଆରମ୍ଭ କରିଦିଆଯାଇଛି । ଏହି ସୁବିଧା ଦ୍ୱାରା ଆପଣ ଘରେ ବସି ଲାଇଫ ସାର୍ଟିଫିକେଟ ସବମିଟ କରିପାରିବେ । ସୂଚନା ଅନୁଯାୟୀ ପେନସନଭୋଗିଙ୍କୁ ପ୍ରତିବର୍ଷ ଲାଇଫ ସାର୍ଟିଫିକେଟ ଦ୍ୱାରା ଜୀବିତ ଥିବାର ପ୍ରମାଣ ଦେବାକୁ ପଡିଥାଏ । ଏହି କାରଣରୁ ପେନସନଭୋଗୀ ମାନେ EPFOରେ ଲାଇଫ ସାର୍ଟିଫିକେଟ ସବମିଟ କରିଥାନ୍ତି ।
ପୂର୍ବରୁ ଏହି ସୁବିଧା କେବଳ ଅନଲାଇନ ଥିଲା କିନ୍ତୁ ନିକଟରେ EPFO ଅନଲାଇନରେ ମଧ୍ୟ ଲାଇଫ ସାର୍ଟିଫିକେଟ ସବମିଟ କରିବାର ଅପ୍ସନ ଦେଇଛନ୍ତି । ତେବେ EPFO ତରଫରୁ ଦିଆଯାଇଥିବା ସୂଚନା ମୁତାବକ ପେନସନଭୋଗୀ ବର୍ତ୍ତମାନ ନିଜର ସୁବିଧା ହିସାବରେ ବର୍ଷର ଯେକୌଣସି ସମୟରେ ଅନଲାଇନରେ ନିଜର ଜୀବନ ପ୍ରମାଣପତ୍ର ଜମା କରିପାରିବେ ।
ସବମିସନ ତାରିଖରୁ ଏକ ବର୍ଷ ପର୍ଯ୍ୟନ୍ତ ଏହି ଲାଇଫ ସାର୍ଟିଫିକେଟ ବିଲଡ଼ ହୋଇଥାଏ । ତେବେ ପ୍ରତିବର୍ଷ ଏହି ଲାଇଫ ସାର୍ଟିଫିକେଟ ସବମିଟ କରିବା ଅନିବାର୍ଯ୍ୟ ହୋଇଥାଏ । ସୂଚନା ଅନୁଯାୟୀ ସାରା ଦେଶରେ ପ୍ରାୟ ୬୪ ଲକ୍ଷ ଲୋକଙ୍କୁ ପ୍ରତିବର୍ଷ ଲାଇଫ ସାର୍ଟିଫିକେଟ ସବମିଟ କରିବାକୁ ପଡିଥାଏ । ଏହାର ଅର୍ଥ ବର୍ତ୍ତମାନ ଏହି ସୁବିଧାର ଫାଇଦା ଉକ୍ତ ଲୋକମାନେ ଉଠାଇ ପାରିବେ ।
