ପିଏମ କିଷାନ ନିଧି ଯୋଜନା: ଭୁଲ ତରିକାରେ କିସ୍ତି ନେଇଥିଲେ ଫେରେଇବାକୁ ପଡିବ ଟଙ୍କା
ଦେଶ ବ୍ୟାପୀ ୧୦ କୋଟିରୁ ଅଧିକ ସଂଖ୍ୟକ ଚାଷୀମାନଙ୍କୁ ପିଏମ କିଷାନ ସମ୍ମାନ ନିଧିର ୧୧ ତମ କିସ୍ତି ମିଳିଯାଇଛି । ୧୧ ତମ କିସ୍ତିକୁ ଏକ ନୂଆ କାର୍ଯ୍ୟକ୍ରମ ମାଧ୍ୟମରେ ଚାଷୀ ମାନଙ୍କ ଆକାଉଣ୍ଟକୁ ମେ ୩୧ତାରିଖରେ ଟ୍ରାନ୍ସ୍ଫର କରାଯାଇଥିଲା । ଏହି କିସ୍ତି ଜାରି ହେବା ପରେ ସରକାରଙ୍କ ଦୃଷ୍ଟିକୁ ଏମିତି କିଛି ମାମଲା ଆସିଛି ଯେଉଁଥିରୁ ଜଣାଯାଇଛିଯେ କିଛି ଲୋକ ଭୁଲ ତାରିକରେ ଯୋଜନାର ଫାଇଦା ଉଠାଇଛନ୍ତି । ଏହା ପୂର୍ବରୁ ବି ଭୁଲ ତରିକାରେ ଯୋଜନାର ଯୋଜନାର ଫାଇଦା ଉଠାଇଥିବା କିଛି ଲୋକଙ୍କୁ ନୋଟିସ ଜାରି କରାଯାଇଛି । ସରକାର ଏହି ଯୋଜନାର ଲାଭାର୍ଥିମାନଙ୍କ ପାଇଁ ଏକ ସୋସିଆଲ ଅଡିଟ ଆରମ୍ଭ କରିଛନ୍ତି । ଯେଉଁମାନେ ଭୁଲ ତରିକାରେ ଏହି ସ୍କିମର ଫାଇଦା ଉଠେଇବାକୁ ଚେଷ୍ଟା ସେମାନଙ୍କୁ ଚିହ୍ନଟ କରାଯାଇ ଉଚିତ ଦଣ୍ଡ ଦିଆଯିବ ।
କେଉଁ ମାନଙ୍କୁ କିସ୍ତି ଟଙ୍କା ଫେରସ୍ତ ଦେବାକୁ ହେବ କି ନାହିଁ ତାହା ସେମାନଙ୍କୁ ଅନଲାଇନ ମାଧ୍ୟମରେ ସୂଚନା ଦିଆଯିବ । ଏଥିପାଇଁ ପିଏମ କିଷାନ ୱେବସାଇଟକୁ ଯିବାକୁ ହେବ ଏହା ପରେ ଆପଣଙ୍କୁ ଫର୍ମର କର୍ଣ୍ଣରରେ ରିଫଣ୍ଡ ଅନଲାଇନର ଅପସନ ଦେଖାଦେବ । ଏହା ଉପରେ କ୍ଲିକ କରିବା ପରେ ଖୋଲିଥିବା ୱେବ ପେଜରେ ସମସ୍ତ ଇନଫର୍ମେଶନ ଦେଇଦେବେ । ଏହା ପରେ ଏଠାରେ ଆପଣଙ୍କୁ ନିଜ ଆଧାର ନମ୍ବର, ବ୍ୟାଙ୍କ ଆକାଉଣ୍ଟ ନମ୍ବର ମୋବାଇଲ ନମ୍ବର ଆଦି ଦେବାକୁ ହେବ । ସମସ୍ତ ସୂଚନା ଦେବା ପରେ ଗେଟ ଡାଟା ଉପରେ କ୍ଲିକ କରନ୍ତୁ । ଏହା ଉପରେ କ୍ଲିକ କରିବା ପରେ ଯଦି ଆପଣଙ୍କୁ “You are not eligble for any refund amount” ମେସେଜ ଦେଖାଦିଏ ତେବେ ଆପଣଙ୍କୁ ଟଙ୍କା ଫେରସ୍ତ ଦେବାକୁ ହେବ ନାହିଁ । କିନ୍ତୁ ଯଦି ରିଫଣ୍ଡ ଆମାଉଣ୍ଟର ଅପସନ ଦେଖାଦିଏ ତେବେ ଜାଣିରଖନ୍ତୁ ଆପଣଙ୍କୁ ଟଙ୍କା ଦେବାକୁ ହେବ ।
ନିୟମାନୁସାରେ ଯେଉଁମାନେ ଆଇଟିଆର ଫାଇଲ କରୁଥିବେ କିମ୍ବା କୌଣସି ସରକାରୀ କର୍ମଚାରୀ ହୋଇଥିବେ । ଅଥବା ସ୍ୱାମୀ କିମ୍ବା ସ୍ତ୍ରୀ କାହା ନାଁରେ ବି ଜମି ଥିବ ତେବେ ପରିବାରରର କୌଣସି ବି ବ୍ୟକ୍ତି ବାର୍ଷିକ ୬୦୦୦ ଟଙ୍କା ଲାଭ ନେଇପାରିବେ । ସରକାରଙ୍କ ତରଫରୁ ଇ-କେୱାଇସି କରିବାର ଅନ୍ତିମ ତାରିଖ ଜୁଲାଇ ୩୧ ତାରିଖକୁ ବଢ଼ାଇ ଦିଆଯାଇଛି ।