ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ କହିବା ଅନୁଯାୟୀ “ପାକିସ୍ତାନରେ କରୋନାର ୭୦ ପ୍ରତିଶତ ମାମଲା ଇରାନରୁ ଆସିଛି ଏବଂ ଦୁଇ ସପ୍ତାହ ପରେ ଏଠାରେ କଣ ହେବ ସେ ନେଇ କିଛି କହି ହେବନାହିଁ” ।
ସୂଚନା ଅନୁଯାୟୀ ପାକିସ୍ତାନର ପ୍ରଧାନମନ୍ତ୍ରୀ ନିକଟରେ ଏକ ପ୍ରେସ କନଫରେନ୍ସରେ ଏପରି କିଛି କହିଥିଲେ ଯାହା ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଇମ୍ରାନ ଖାନଙ୍କ କହିବା ଅନୁଯାୟୀ ଚୀନରୁ କରୋନାର ଗୋଟିଏ ବି ମାମଲା ପାକିସ୍ତାନ ଆସିନାହିଁ କିନ୍ତୁ ଇରାନ ଏହାକୁ ନିୟନ୍ତ୍ରଣ କରିପାରିଲା ନାହିଁ ଯେଉଁଥିପାଇଁ ସେ ଲୋକ ତାଫତାନକୁ ପଠେଇଦେଲା । ତାଫତାନରେ ଏତେ ଲୋକଙ୍କ ଚିକିତ୍ସା ପାଇଁ କୌଣସି ବ୍ୟବସ୍ଥା ନଥିଲା । ଏହାସହିତ ସେ କହିଛନ୍ତି ଯେ ପାକିସ୍ତାନରେ ୭୦ ପ୍ରତିଶତ କରୋନା ରୋଗୀ ଇରାନରୁ ଆସିଛନ୍ତି ।
ଆଗକୁ ସେ କହିଥିଲେ ଯେ ଯଦିଓ ବର୍ତ୍ତମାନ କରୋନା ଆମ ଦେଶରେ ଏତେ ମାତ୍ରାରେ ବ୍ୟାପୀ ନାହିଁ କିନ୍ତୁ ଦୁଇ ସପ୍ତାହ ପରେ କଣ ହେବ ସେନେଇ ମଧ୍ଯ କିଛି କହି ହେବନାହିଁ । ଆମେ କରୋନା ସହ ମୁକାବିଲା କରିବା ପାଇଁ ପ୍ରସ୍ତୁତ ଅଛୁ ସତ କିନ୍ତୁ ଆଗକୁ କଣ ହେବ ତାର ଗ୍ୟାରେଣ୍ଟି ଦେଇ ପାରୁନାହିଁ ।
ସୂଚନା ଅନୁଯାୟୀ ପାକିସ୍ତାନରେ ଫେବ୍ରୁଆରି ମାସରେ ପ୍ରଥମେ କରୋନା ଭାଇରସର ମାମଲା ସାମ୍ନାକୁ ଆସିଥିଲା । ବର୍ତ୍ତମାନ୍ ପର୍ଯ୍ୟନ୍ତ ସେଠାରେ ୧୩୬୩ ଜଣ ଲୋକ ଆକ୍ରାନ୍ତ ହୋଇଥିବା ବେଳେ ୧୧ ଜଣ ଲୋକଙ୍କ ମୃତ୍ୟୁ ହୋଇସାରିଛି ।